1 Tim. 1:4 - Yus Papí: Shuarja̱i̱ Yus Yamaram Chicham Najanamu

⁴ Nisha Israer shuara we̱a̱trí̱n áujmatsamunak tura ni we̱a̱tri̱ naari̱ ti untsurí irurtinniak Yus Chichamja̱i̱ naṉkaamas enentáimtuiniawai. Nunak áujmatsar tuke ántar tuíniawai. Nu túramuka Yus enentáimtusar Nin shiir umirkatniun yáintmatsji. Tuma asamtai nusha suritkiata.

1 Tim. 1:4 Iomraidhean Croise

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

Ipi. 3:2

Yus anentak Yus Chichaman atumín etserkatniun akatar akuptúkuiti. Nu nékatsrumek.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

1 Tim. 4:7

Ántar chichamsha tura netse chichamsha enentáimtutsuk nekas Yusna ana nu túratin kakaram ajasta.

1 Tim. 6:11

Antsu ame Yus shuar asam nuyá̱ pisarta. Yus nekas enentáimtakum péṉker túrata. Waantu enentáimtsuk Yus péṉker umirkata. Aneakum katsuntrata.

1 Tim. 6:20

Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip.

2 Tim. 2:14

Shuar jintintiakum ju̱ enentáimtikrata. Ii Uuntri̱ Yus íimmianum chichamja̱i̱ yajauch tunaiyara̱i̱ṉ tusam chicharkarta. Nu tunaitin peṉké antraiti antsu ántuiniana nuna yajauch awajénawai.

2 Tim. 2:22

Natsá wakerutai̱nmaya̱ pisaram esetram péṉker wekasata. Amesha ashí shuar shiir enentáiji̱a̱i̱ Yusan áujena nuja̱i̱ Yus nekas enentáimtakum aneniakum ti shiir pujusta.

2 Tim. 2:23

Enentáimtsuk chichainiak aya ántar tunaitinian chichainia nu pachisairap. Nusha aya némasmanainiawai.

2 Tim. 4:4

Nekas shiir chichaman iniaisar ikiuiniak ántar áujmatsamun enentáimtusartatui.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Tit. 3:9

Shuar netse áujmatainiakui ameja pachisaip. Tura “aya winia úuntruk péṉker áiniawai” tu chichasaip. Tura Israer shuara akupkámuri̱ itiurkit tusa shuar ti áujmatainiakui nusha pachisaip. Ántraiti nuka. Péṉker wekasatniun yaya̱tsui.

Isr. 13:9

Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.

2 Pit. 1:16

Ii Uuntri̱ Jesukrístu kakarmari̱ tura ni táratniuri̱ etserkamajnia nu aya aentsnumia̱ ántar chichamchauyi. Antsu imia íi ji̱ji̱a̱i̱ Uunt Jesukrístu naṉkamantu ajasu wainkia asar ujakmajrume.