1 Tim. 1:2 - Yus Papí: Shuarja̱i̱ Yus Yamaram Chicham Najanamu

² Timiutéu, ju̱ papin áateajme. Wi ujakam Yus shuar ajasu asam nekas winia uchirua áinkiaitme. Tuma asakmin Yus Apasha tura ii Uuntri̱ Jesukrístusha ti anenma ásar waitnentramainiak imiatkinchanum ti shiir aṉkant pujustinian yaintmakarti.

1 Tim. 1:2 Iomraidhean Croise

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

Kar. 1:3

Ii Aparí̱ Yussha tura Jesukrístu ii úuntri̱sha atumín waitnentramainia ásar aṉkant tuke shiir pujustinian suramsarti.

1 Tim. 1:12

Ii Uuntri̱ Jesukrístu shiir enentáimturu asa Níniun etserturkat tusa kakarman surusuiti. Túruta asamtai yúmiṉkiajai.

1 Tim. 1:18

Uchiru, Timiutéu, yáunchuya̱ Yus shuar ámin “Ju̱ shuar péṉkeran túrattawai” turamarmia nútiksam yamaikia kakaram ajasta. Ni timia enentáimsam suntara áintsam Yusna kakaram takastin asumprurta. Nuna tájame.

1 Tim. 6:20

Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip.

2 Tim. 1:2

Aneamu uchiru, Timiutéu, ju̱ papin áateajme. Yus Apasha tura ii Uuntri̱ Jesukrístusha ti anenma ásar waitnentramainiak aṉkant shiir pujustinian yaintmakarti.

2 Tim. 2:1

Amesha, uchiru, Jesukrístuja̱i̱ tsaniṉkiu asam Yus amasma nuja̱i̱ kakaram ajasta.

Tit. 1:4

Titiu, wi Yusna étserma umikiu asakmin winia uchirua áitkiasnak papin áateajme. Iis, iiji̱a̱i̱ métek Yus nekas enentáimtatsjik. Yus waitnentrama asa shiir awajtámsati tusan wakerajme. Tura ii Aparí̱ Yussha tura ii Uuntri̱ Jesukrístusha Uwemtikkiartin ana nu, enentáimin imiatkincha awajtámsati tajai.

Tit. 2:2

Antsu áishmaṉ katsunt Yusna ainia nu ju̱ jintintrata. Nampechu, náṉkamas enentáimcha, esetas enentáimin ártí. Yus tana nuna umirin tura anenain ártí. Ni itiurchatri̱i̱n Yusan enentáimtusar katsuntin ártí.

Tit. 3:15

Ashí wiji̱a̱i̱ pujuinia nu amikmátmainiawai. Tura ii amikri̱ Yus shuar ainia nu amikmatruata. Atumniasha Yus shiir yaintmakat tusan wakerajrume. Nuke atí.

1 Pit. 1:2

Yaunchu Apa Yus uwemtikrataj timia núnisaṉ achikmaitrume. Tura Winia ajasat tusa ni Wakaní̱ji̱a̱i̱ akantámkamiarme. Umirtukat tusa nuna túramiayi. Tura Jesukrístu numpe̱ tsakiri̱ji̱a̱i̱ atumí enentái̱n chamir awajtúrmasmiarme. Wats, Yus tuke waitnentramar ti shiir awajtámsarat tusan wakerajrume.

2 Jṉ. 1:3

Yus ii Aparí̱sha tura ii Uuntri̱ Jesukrístusha, Yus Apa Uchirí̱ asa, atumín anenmak aṉkant tuke shiir pujustinian waitnentramak yaintmakarti. Nuja̱i̱ nekas chicham nekaarum anenaittiarme.

3 Jṉ. 1:4

Yus shuar nekas chichaman umiiniakui imiá shiir enentáimtuiniajai.

Jut. 1:2

Yus ti waitnentramak imiatkinchanum tuke shiir pujustinian yaintmakarti. Ti anenma asa túrati.