1 Tim. 1:16 - Yus Papí: Shuarja̱i̱ Yus Yamaram Chicham Najanamu

¹⁶ Ti tunáa ai̱ṉ Jesukrístu ti anenkartin ana nu paant nekanati tusa Yus winia waitnentrurmiayi. Tuma asamtai chíkich shuar wiji̱a̱i̱ métek Yusan nekas enentáimtusar Niji̱a̱i̱ tuke iwiaaku pujusártatui.

1 Tim. 1:16 Iomraidhean Croise

YKan. 25:11

Uunt Yusá Ame náarmin arantin árat tusam winia tunaar tí nukap irunainiaiṉᵏⁱ tsaṉkurturta.

Jiin. 34:8

Nuna takui̱ Muisaissha wárichik tikishmar tsuntsumá nuṉká antiastatuk ajas

Isa. 1:18

Nuyá̱ Uunt Yus chichaak “Wats winitiárum iiji̱a̱i̱ áujmatsarmi. Atumí yajauch túrutai̱ yamakái̱ya̱ núnisaitkiuisha micha imianú puju awajtústatjarme. Tura atumí tunaarí̱ ti kapa̱a̱kuitkiuisha murikiú ure̱ya imianú puju awajtústatjarme” tawai.

Isa. 55:7

Yusan umircha ainia nusha ni túrutairi̱n iniaisarti núnisaṉ yajauch enentáimin ainia nusha ni enentáimtairi̱nkia iniaisarti. Tura ti waitnenkartin asamtai Uunt Yusai̱ni̱ṉ waketkiarti. Núnisaṉ tsaṉkurkartutai̱ri̱sha tí uunt asamtai ii Yusri̱ni̱ṉ waketkiarti.

Wek. 23:3

Nuyá̱ Paraam Parakan chicharuk “Ame takamtsuk áestamna ju̱i̱ṉ wajá jatá. Uunt Yus iṉkiunkataj tusa winiinti tusan wéajai. Tura wariṉkísha iniaktursamtaikia ujaktatjame” ti ikiuak náintiaani̱ wémiayi.

Ruk. 15:10

Núnisaṉ yajauch túrin shuar ni enentái̱n yapaji̱ámtai Yusa suntari̱ matsatmanum ti warastin awai” tímiayi.

Ruk. 23:43

Tutai Jesus chicharuk “Nekasan tájame, jakar shiir pujutai̱nium yamái tsawant Wiji̱a̱i̱ pujustatme” tímiayi.

Ruk. 7:47

Nu tuma asamtai tájame nisha Winia ti anentu asamtai ni yajauchin untsurí ana nu tsaṉkuramuiti. Tura yajauchir ishichik awai tau tsaṉkuramu ana nuka ishichik aneṉkratniuiti” tímiayi Jesus.

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:54

Winia aya̱shrun yúana nuka tura winia numparun úmakka iwiaakman amuukashtinian takakui. Tura nu shuaran amuukatin tsawantai̱ iniantkíttiajai.

Tur. 13:39

Tura Muisais yaunchu akupkámia nuja̱i̱ tunáa tsaṉkurnarchamnia nu, yamaikia Jesusja̱i̱ tsaṉkurnartiniaiti.

Rum. 15:4

Núnisaṉ ashí yaunchu Yus Papinium aarma iin jintintrámatniun áararmiayi. Nuja̱i̱ atsaṉtamkurin shiir wainkiattajnia nuka katsuntrar nákastatji.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

1 Kur. 7:25

Nuwa̱ natsa túratniua nuna yamaikia áujmatjai. Kristu ju̱na akupkachmai tura Kristu aneṉkratmari̱ ti nekapsa asamtai wi tájana nu antukminiaiti.

2 Kur. 4:1

Yus iin waitnentrama asa ni chichame̱n etserkatniun ataktamsaitji. Tuma asamtai yawe̱tsuk takaaji.

Ipi. 1:12

Iikia Israer shuar asar Kristu emka umirkakrin iin imiá péṉker túrutmamun nekaawar ashí shuar Yusan ti shiir awajsámin áiniawai.

Ipi. 1:6

Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

Ipi. 2:7

Nuja̱i̱ Ni ti aneṉkratmari̱ncha tura Kristu túrunamuja̱i̱ waitnentrampramuncha nekapmarchamnia iniaṉnatsuk ukunma ímianaisha tuke Ni ti waitnenkartutairi̱nkia iin iniakturmasuiti.

2 Tis. 1:10

Kame Uunt Jesukrístu tátin tsawantri̱ jeamtai ni shuari̱ nekas enentái̱ji̱a̱i̱ péṉker awajsaru ainia nu, ni náari̱n shiir pachisartatui. Tura Yusan umikiaru ásar ti shiir enentáimsar Jesukrístun íisartatui. Ii ujakmajrumna nu antukrum umirka asarum atumsha nui̱ pachinkiattarme.

1 Tim. 1:13

Wi Yusan imiá yajauch chicharniuyajai. Yus shuarnasha áintrarmiajai. Yusnasha katsekniuyajai. Túrin ai̱ṉ Yus winia waitnentrurmiayi. Kame Jesuska Yus Anaikiamun nékachu asan wi túramu yajauchiti tu enentáimchauyajai.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

1 Pit. 3:20

Nusha yaunchu Nuwái uunt kanun nájanuk siantu painti uwí pujurmia nui̱ Yuska umirtukarat tusa ti nákamaitiat Nuwái étserman umikcharmiayi. Nú kanunmasha ishichik, uchu aents kanunam pujuinian yumiji̱a̱i̱ uwemtikrarmiayi.

2 Pit. 3:15

Ju̱ nekaatarum. Iin uwemtikramprataj tusa Yus ti nákarmaji. Ii aneamu yachi̱ Páprusha núnisaṉ Yus ni nekatairi̱n susamia tímiatrusaṉ áatrampramarme.

2 Pit. 3:9

Uunt Kristu “atak tátatjai” tana nuna umitsuk meṉkakashtatui. Áyatik aentsti “wau taatsui” taji. ¿Urukamtai wau taatsua? Iin aentstin nákarmaji. Shuar chikichkisha meṉkaka̱i̱ṉ tusa nakitiawai. Antsu ashí shuar enentái̱n yapaji̱áwarat tusa wakerawai.