1 Tim. 1:11 - Yus Papí: Shuarja̱i̱ Yus Yamaram Chicham Najanamu

¹¹ Núnisaṉ tawai ti shiir uwempratin chicham Yus suramsamajnia nu. Nu chichamnaka etserkatniun Yus péṉker asa tsaṉkatrukuiti.

1 Tim. 1:11 Iomraidhean Croise

YKan. 138:2

Ame imiatkincha Je̱e̱mini̱ íimsan tikishmártatjai. Núnismek Ámeka waitnenkartin tura Ámeka tímiatrusmek túrin asaakmin Ame náarmin shiir awajsattajai. Warí, ashí írunna nuja̱i̱ apatka íismasha Ame náaram tura Ame chichamen paantin uunt awajsaitme.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Rum. 2:16

Wi uwempratin chichaman étsereaj nui̱ ashí shuar u̱kri̱sha túramun ashí paant awajsártatui. Tura nuna etserkatniun Jesukrístun anaitiukmiayi. Nu tsawantai̱ tunaan túrin sumamawartatui.

1 Kur. 9:17

Wakerakun étserkunka warasminiaitjiai. Tura nakitiaknasha tuke Yus surusmanka umiktiniaitjiai.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Kar. 2:7

Yus akatrámu úuntri̱sha Yus winia Israer shuarchan Yus Chicham ujaktinian akuptúkma nuna nekarawarmai. Tura Pítruncha Israer shuaran Yus Chicham ujaktinian akupkámai.

Ipi. 1:12

Iikia Israer shuar asar Kristu emka umirkakrin iin imiá péṉker túrutmamun nekaawar ashí shuar Yusan ti shiir awajsámin áiniawai.

Ipi. 1:6

Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

Ipi. 2:7

Nuja̱i̱ Ni ti aneṉkratmari̱ncha tura Kristu túrunamuja̱i̱ waitnentrampramuncha nekapmarchamnia iniaṉnatsuk ukunma ímianaisha tuke Ni ti waitnenkartutairi̱nkia iin iniakturmasuiti.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.

Kurs. 1:25

Atumín yaiṉkiai tusa Yus akattúr Yus Chichaman takamtsuk ujakai tusa akuptúkmai. Nuna takaakun ashí Yus shuara yáintri̱ntjiai.

1 Tis. 2:4

Antsu Yus iin péṉker enentáimturmas uwempratin chicham etserkatarum tusa akatrámpramiaji. Tuma asamtai núnisrik étsereaji. Túrasha aya aents waramtiksatai tusar étsertsuji. Antsu Niṉki Yusak ii enentái̱n nekartamin asamtai shiir enentáimtiksataitsar túraji.

1 Tim. 2:7

Nuna túratniun Yus winia akatar akuptúkuiti. Israer shuarcha nekas chichaman enentáimtusarti tusa Yus akuptúkmiayi. Krístunu asan wáitrutsuk nekas tajai.

1 Tim. 6:15

Tsawant jeamtai Jesukrístu tatí tusa Uunt Yus imiá peṉker asa akupkáttawai. Níṉkiti Yus. Akupniúncha Akupniuiti. Uuntja̱i̱ naṉkaamas Úuntaiti.

1 Tim. 6:20

Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip.

2 Tim. 1:11

Nuna etserkat tusa Yus anaitiukmiayi. Tura akattúr Israer shuarchanum akuptúkmiayi.

2 Tim. 1:14

Yus ámin takasat tusa suramsamu shiir takasta. Tura Yusa Wakaní̱ iin pujurtamaj nuna kakarmari̱ji̱a̱i̱ túrata.

2 Tim. 2:2

Untsurí ántuiniamunam wi etserkamaj nu, shuar umikmin ainia nuna jintintiáwaram chikichnasha jintintiáwarat tusam akupkarta.

Tit. 1:3

Tura yamaikia tsawant jeamtai nuna nekaawarat tusa ii Yusri̱ uwemtikkiartinia nu winia chichamur ujakárta tusa winia akattúrmiayi.