1 Tim. 1:10 - Yus Papí: Shuarja̱i̱ Yus Yamaram Chicham Najanamu

¹⁰ nuwa̱ncha tura áishmaṉnasha tsanirma ainia nunasha, shuaran kasamak juu ainia nunasha, wáitrinniasha, tsanumniuncha, ashí nuna itit awajsatniun akupénawai. Kame ashí péṉkercha nuna iwiaratniun akupénawai.

1 Tim. 1:10 Iomraidhean Croise

Naṉ. 19:5

Nui̱ káunkar Ráutan chicharainiak “Jú̱ kashi áishmaṉ ame je̱e̱miin táarainia nusha ¿tui̱ pujuinia? Jí̱i̱kiarta niji̱a̱i̱ tsanirmatai. Iisha nekaatai tusar wakeraji” tiármiayi.

Naṉ. 37:27

Mashtai antsu Ismaer shuarai̱ suruktai. Warí ii yachi̱nchukait” tímiayi. Nuna takui̱ ni yachi̱sha métek chichasar Jusen surukarmiayi.

Naṉ. 40:15

Wíniaka Israer shuarnumia̱ jurukiaruiti. Tura warinkesha yajauch túrachu asan ju̱ sepunam pujuschamniaitjiai” tímiayi.

Jiin. 20:7

Ame Yúsrum Uunt Yusa naari̱ ántram pachikiaip. Winia náarun ántar pachia núnaka asutiáttajai.

Use. 10:4

Túrasha peṉké ántar chichasar nekas umiktatji tusar chichaman najanawaruitiat uminiachu ásar ti sumamtiknainiak tséas nupa̱ ajan tsaparna núnis ártatui.

Riw. 18:22

Tura nuwa̱ja̱i̱ tsanirmatia nútiksamek áishmaṉja̱i̱sha tsanirmawaip. Nuka peṉké muí̱jmiainti.

Riw. 20:13

Tura mái̱ aishmaṉkak tsaniṉ kanararka nuwa̱ja̱i̱ kanarua núnis mui̱jmiainian mái̱ turawaruiti. Tuma ásar mái̱ jákartiniaiti, warí imia niṉki makumararuiti.

Sak. 5:4

Ashí Akupin Uunt Yus chichaak “Ju̱ yumiṉnaka Wi akupkaitjiai. Tuma asa kasá je̱e̱ncha waya̱ttawai. Núnisaṉ Winia náarun ántar pachisar jú̱naka nuna je̱e̱ncha waya̱ttawai. Tura nu je̱a̱nam pujus nincha núnisaṉ je̱a̱ncha numirtiuk tura kayartuk amukártatui” tímiayi.

Sak. 8:17

Núnisaṉ atumíiya̱ṉka chikichkisha aents írutramuri̱n yajauch awajsatniun enentáimtuscharti. Núnisrumek Yusa naari̱ antra pachisrum jú̱naka nekas túrattajai títin wakerukairap. Warí, Wikia núnaka peṉké muí̱jiajai’ tawai Uunt Yus” tímiayi.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Juaṉ 8:44

Atumí aparí̱ṉkia iwianchi úuntri̱nti. Tura niniu asarum ni wakera nu túrarme. Yámankamtaiksha iwianchi úuntri̱ṉkia tuke maṉkartiniaiti. Nekas ana nunasha nakitiawai tuke wáitrin asa. Wáitraksha níniunak chichaawai. Iis, waitia uuntri̱ asa tuke wáitriniaiti.

Rum. 1:26

Nuna túrin ásarmatai Yus natsanmainia nuna wakeruktinian tsaṉkatkarmiayi. Túramtai nuwa̱sha áishmaṉja̱i̱ tsaniṉtinian nakitrar nuamtak yajauch awajnáiniawai.

Muis. 24:7

Núnisaṉ Israernumia̱ shuar nuamtaketiat kasamak jukí̱ ni iniatairi̱ awajás nuíchuka suruku nekaanamtaiṉkia kasa asamtai mátarum. Nuní̱ túrakrum atumín yajauch pampartaj tau wárik asakáittiarme.

1 Tim. 4:6

Wi tájamna nu chíkich Yus shuar jintintiakmeka Jesukrístu péṉker takarin átatme. Tura ashí Yus Chicham péṉker jintíamu unuimiáru asam nuja̱i̱ kakaram ajastatme.

1 Tim. 6:3

Shuar ti shiir naka chichaman ii Uuntri̱ Jesukrístunu ana nuna nakitiak antsu niisháa chichaman étserkuṉka

2 Tim. 1:13

Shiir chichaman jintintiamajmena nuke emetata. Jesukrístuja̱i̱ tsaniṉkiu asar Yus nekas enentáimtaji tura nuja̱i̱ aneṉkratniuitji. Tuke núnismek túrata.

2 Tim. 4:3

Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui.

Tit. 1:13

Maa, nisha nékasaṉ tímiayi. Nu tuma asamtai Titiu, Israer shuar ántar tuinia nuna Yus shuar anturkacharti tusam tura nekas chichaman nakitiana nuna akupeamuri̱n umirkacharti tusam antsu Yusan nekas umirkarat tusam umichu shuar kakaram chicharkarta.

Tit. 1:9

Tura nú arantcha Yúsnan esetar jintíamu péṉker nekáa emetamu asa chíkich shuaran tí peṉker unuimiátai̱ji̱a̱i̱ jintintiámniaiti. Tura pachimtikin ujakmancha naka nakuertiniaiti.

Isr. 13:4

Nuatnaikiatin péṉkeraiti. Shuar ni nuwe̱ja̱i̱ tsaniṉ pujustin péṉkeraiti. Tura nuatkamu ainia nusha chikichan e̱a̱kchatniuiti. Tsanirmana núnaka Yus asutiáttawai.

Jut. 1:7

Núnisaṉ Sutumasha Kumurasha tura tíjiu̱ch péprusha áishmaṉja̱i̱sha nuwa̱ja̱i̱sha ti yajauch nuamtak tsanirmanainiakui ti tunaan peṉké túrachmin ana nunasha túrin ármiayi. Túmainiakui ashí shuar ashamkarat tusa Yus amuicha jinium asutiáwarmiayi.

Apu. 18:13

Núnisaṉ ishpiṉnasha, nusháa kuṉkuinniasha, mira kuṉkuinniasha, umutaincha, asuitincha, trikiu nere̱ncha tura trikiu tí peṉker nekeṉmancha itiaru áiniawai. Núnisaṉ aentstai̱ taṉkuncha, murikniasha, kawaincha ni káruri̱ji̱a̱i̱ tura nú arantka shuarnasha suruktinian itiaru áiniawai.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.