1 Tim. 1:1 - Yus Papí: Shuarja̱i̱ Yus Yamaram Chicham Najanamu

¹ Wi Papru Jesukrístu akatrámurintjiai. Iin uwemtikkiartin Yussha tura ii Uuntri̱ Jesukrístusha winia akuptúku áiniawai. Jesukrístuja̱i̱ métek ti shiir ajastai tusar nákaji.

1 Tim. 1:1 Iomraidhean Croise

YKan. 106:21

Túmainiak Uwemtikin Yus ni kakarmari̱n Ejiptunam iniaktusar núnisaṉ Kaam nuṉkanmasha aentsti túrachminian túramia nunasha tura Kapantin Nayantsanam ni kakarmari̱n iniaktusarmia nunasha peṉké kají kajinmatu ajasármiayi.

Isa. 12:2

Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Isa. 43:3

Wikia ámin uwemtikramin Israernumia̱ tunaarincha Úunt Yusaitjiai. Áminkia Ejiptuja̱i̱ yapaji̱áitjiame. Núnisnak Itiupíancha Séwaja̱i̱ amiin surukmajai.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Isa. 49:26

Nuyá̱ ámin wáitkiarmainia núnaka ni namaṉke̱nak ayurawartatjai túran ni numpe̱ja̱i̱ṉ winiu umar nampeana núnikiartatui. Nuyá̱ ashí nuṉkanmaya̱ aents Wikia Uunt Yus ámin Uwemtikin, ame Tumashrumin Akikmakua nu tura Jakupa shuari̱ Yusri̱ kakarmaitjiana nuna nekarawartatui” tawai.

Use. 13:4

Ejiptunam pujumiarmena tímianiaṉ Wikia atumí Úunt Yusri̱ntjiai. Wíkitjiai Yus. Chíkichkia wáinkiashtatrume. Tura chíkich uwemtikkiartincha wáinkiashtatrume antsu aya Wíkitjiai.

Ruk. 1:47

Tura Uunt Yuska winia Uwemtikruru asamtai ti waraajai.

Ruk. 2:11

Ju̱i̱ti. Yamái tsawantai̱ Tawitia pépruri̱n Piriṉnum yaunchu Yus Uunt anaikiamu KRISTU tutai, Uwemtikkiartin akiintiurmarme. Nu Uchisha ashí aentsun akupniuiti.

Tur. 9:15

Tutai Uunt Jesus chichaak “Ántkisha wetá. Jú̱ aishmaṉkan winia etserniur atí tusan Wi achikjiai. Nisha Israer shuarchancha tura úunt akupniuncha tura Israer shuarnasha wínian etserin átatui.

Rum. 1:1

Wi Papru Jesukrístu takarniuitjiai. Núnisaṉ Yus achirak ni uwempratin chichame̱n etserkat tusa akatar akuptúkmiayi.

1 Kur. 1:1

Wi Pápruitjiai, Jesukrístu akatrámu. Yus nuna wakerak ni akatrámuri̱ atí tusa anaitiukmai. Wi, ii yachi̱ Sústinisja̱i̱, ju̱ papí akupeaji.

1 Kur. 9:17

Wakerakun étserkunka warasminiaitjiai. Tura nakitiaknasha tuke Yus surusmanka umiktiniaitjiai.

2 Kur. 1:1

Wi Pápruitjiai Jesukrístu akatrámu. Yus nuna wakerakui ni akatrámuri̱ anaikiamuitjiai. Ii yachi̱ Timiutéuja̱i̱ Yus shuar Kurintiunam íruntrumna nuna áatjarme. Kame ashí Akaya nuṉkanam Yusna ajasurmena nunasha áatjarme.

Kar. 1:1

Wi Pápruitjiai Yus akatrámu. Yusak winia akattúruiti. Shuarka akattúrchamai. Yussha chíkich shuaran akuptúrak akattúrchamai antsu Niṉki, Yus Apa, Jesusan jakamunmaya̱ iniantkímia nu, tura Jesukrístu winia akattúrarmai Yusa shiir chichame̱n etserkatniun.

Kar. 1:11

Antsu nekaatarum yatsuru. Uwempratin chichaman wi étserjana nuka aentsnumia̱nchaiti.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

1 Tim. 1:12

Ii Uuntri̱ Jesukrístu shiir enentáimturu asa Níniun etserturkat tusa kakarman surusuiti. Túruta asamtai yúmiṉkiajai.

1 Tim. 2:3

Áitkiasar seatin péṉker asamtai uwemtikramajnia nú Yus wakerawai.

1 Tim. 2:7

Nuna túratniun Yus winia akatar akuptúkuiti. Israer shuarcha nekas chichaman enentáimtusarti tusa Yus akuptúkmiayi. Krístunu asan wáitrutsuk nekas tajai.

1 Tim. 4:10

Nekas iwiaaku Yus ashí shuaran uwemtikramniaiti tura ashí Nin enentáimtuinia nú shuaran nekas uwemtikratniuiti. Nu chicham imiá nekasaiti tu enentáimtakur katsekramainiakrincha kakaram takaaji.

Tit. 1:3

Tura yamaikia tsawant jeamtai nuna nekaawarat tusa ii Yusri̱ uwemtikkiartinia nu winia chichamur ujakárta tusa winia akattúrmiayi.

Tit. 2:10

“Kasamkairap tura anaṉkawairap. Iis, péṉker túrakrumka takarniuitiatrum shiir tura asarum ii Uwemtikramin Yusri̱ Chichame̱n shíiraiti tu enentáimtikrattarme” titiá.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

Tit. 3:4

Túrasha Yus iin uwemtikkiartin ana nu, aneṉkratin asa ni aneṉkrattairi̱n ashí aentsun iniaktus iin uwemtikrampramiaji.

Tit. 3:6

Jesukrístu jakamuja̱i̱ Yus iin ementúrmatsuk ni Wakaní̱n suramsamiaji.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

1 Jṉ. 4:14

Yus Apa ni Uchirí̱n ashí shuaran uwemtikrarat tusa ju̱ nuṉkanam akupkámia nu wainkia asarⁱ étsereaji.