Yuuda 1:7 - Indagano Inyaaya mu-Chijita

⁷ Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.

INDAGANO INYA:YA

⁷ Rwa Sodoma na Gomora ne misi jinu jariga jisijene, jinu jaru:baga oburomesi, rwabo kutyo abakora, nibaru:baga ejindi-jindi jo mubiri jinu jitari jo busimuka. Emisi ejo jateyweo okuba co kurorerako nijinya:sibwa intambara yo muriro gwa kajanende.

Yuuda 1:7 Iomraidhean Croise

Matayo 10:15

Ni chimari enibhabhwira ati, orusuku rwa indamu, Nyamuwanga arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu bha emisi ja Sodoma na Gomoora!

Matayo 11:24

Nawe enibhabhwira ati, ku‑rusuku rwa indamu, Nyamuwanga arisoosya indamu isito muno okukira kutyo ariramura abhaanu bha omusi gwa Sodoma.”

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Ruuka 17:29

Nawe, orusuku runu Ruuti na abhaana bhaaye ꞉bhaasookere mu‑musi gwa Sodoma, omuriro omururu kabhukabhu nigugwa rwa ingʼubha okusooka ku‑rutumba, nigusingaarisya abhaanu abhandi bhoone.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

2 Petero 2:2

Ka wone, abhaanu bhaafu bhariruubha jinjira jeebhwe ja orukubho. Ku‑songa ya abheeyigisya abho, injira ya echimari irifumwa.

2 Petero 2:6

Ka wone, Nyamuwanga ˆnaasingaarisya kwa omuriro emisi ja Sodoma na Gomoora na abhaanu bha emisi ejo. ˆNaabhakora bhabhe echijekekanyo ku‑bhaanu bhanu bhatakumugayukaga.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.