Yuuda 1:3 - Indagano Inyaaya mu-Chijita

³ Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.

INDAGANO INYA:YA

³ Mbe abendwa bani, anu nariga nini:komesya okubandikira ejo mweruro gweswe bo:ne, nindora ati, ni busibusi nibandikire no kubakomeresya ati murwanirirega muno okwikirisya kunu abe:ru bayabirwe rumwi era.

Yuuda 1:3 Iomraidhean Croise

Ebikorwa 17:3

ˆnaabheeresyaga abhwerubhweru ati, Kirisito aariga akenerwe anyaasibhwe na okwitwa na ati ni bhusibhusi asuuruke okusooka mu‑bhafuuwe. Pawuro ˆnaagenderera okubhabhwira ati, “Kirisito unu enibhabhwira omusango gwaye, niwe Yeesu.”

Ebikorwa 18:28

Okubha Apooro, ꞉aayigire Abhayawudi abhwerubhweru, aabheeresyaga kwa Ebhikaame Ebhyeru ati Yeesu niwe Kirisito.

Ebikorwa 20:27

Okubha bhuri gunu Nyamuwanga eendaga mugumenye, naabhabhwiraga nitaabha na echiitimaato.

Ebikorwa 28:28

ˆNaagenderera okwayika ati, “Mbe mumenye woori ati obhuchungusi bhunu bhusookere ku‑Nyamuwanga, obhusirwa ku‑bhaanu bhanu bhatari Bhayawudi. Abheene abhaja okugenderera okubhuramira!” [

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

Ebikorwa 9:13

Nawe Ananiiya ˆnaayika ati, “Raatabhugenyi, abhaanu bhaafu bhaambwira kutyo Saawuri oyo ꞉aakoreeye abheeru bhaawo amabhiibhi Yerusareemu eyo!

Ebikorwa 9:22

Nawe Saawuri ˆnaagenderera okubhona obhuturo na okuruguusya Abhayawudi bhanu bhaariga bheekaaye Damaasiko, ˆnaabhakomeeresyaga kwa okweresya Ebhikaame Ebhyeru ati, Yeesu niwe Kirisito.

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

Bagalatia 2:5

꞉Chiteekirisyanyiisye nabho noorwo na akatyari, korereki echimari cha Emisango ja Ekisi chisigare chirumateene kw‑imwe.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bagalatia 6:11

Murore kutyo nibhakaamiiye ku‑nyuguta jinene. Nibhakaamiiye kwa okubhoko kwani omwene.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bakolosai 1:2

Echikaamira emwe abheeru bha Nyamuwanga bhanu mwikaaye mu‑musi gwa Korosaayi, emwe abhayiri bheeswe abheeyikanyibhwa mu‑kubha na obhumwi na Kirisito. Obhwitiriranya na omurembe okusooka ku‑Nyamuwanga, Raata weeswe, bhibhe aamwi na emwe.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

1 Timoteo 1:18

Omwana waani Timoteewo, enikuyaana amaragiriro ago, okuruubhana na emisango ja obhuragi jinu ꞉jaayikirwe inguru yaawo. Emisango ejo jikusakire okukora emirimu ja Nyamuwanga rwa okurwana riremo kisi.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

Baeburania 13:22

Enibheerembeeresya emwe abhayiri bhaani mu‑riikirisya, muruubhega emisango ja okubhasimbiisya jinu naabhakaamira ku‑nyarubha inu. Naabhakaamira emisango emitooto era.

Baeburania 6:9

Abheendwa bhaani, noorwo kutyo naabhakaamira emisango emiruru, nawe nimenyere chimari ati omukora emisango ja ekisi jinu ejeeresya obhuchungusi bhwemwe.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 2:21

Jikabheeye ja ekisi ku‑bheene araabha bhakabheeye bhatakumenya chimwi injira ya rirenga, okukira okuyimenya nibhamara nibhasiga echiraagiro echeeru chinu Nyamuwanga ꞉aabhayaaye.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

Yuuda 1:17

Nawe emwe abheendwa bhaani, mwichukega emisango jinu jitumwa ja Raatabhugenyi weeswe Yeesu Kirisito ꞉bhaayikire kara.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.