Yuuda 1:23 - Indagano Inyaaya mu-Chijita

²³ Abhaanu abhandi mubhawonʼyega kwa okubhasaakura okusooka mu‑muriro gwa indamu. Abhaanu abhandi mubhafwire echigongo, nawe wone mwiyangarire, na okwikenga obhubhiibhi bhwebhwe bhwone.

INDAGANO INYA:YA

²³ na bandi mubaonyega, nimubasabura mu muriro. Na bandi mubafwire cigongo mu bu:ba, nimutamanganwa ne cifwaro cinu cajabiasibwe no mubiri.

Yuuda 1:23 Iomraidhean Croise

Barumi 11:14

niniiyikanya ati, amwi okutura emirimu jaani ejo, Abhayisirayeeri bheejaasu bharyungwa obhwiro bhwa okubhona obhuchungusi rwa kutyo emwe ꞉mwabhubhwene, korereki abhaanu abharebhe mu‑bheene wone bhachunguke.

1 Bakorinto 15:33

Mwasiga okujigwa na abhaanu bhanu abhaayika kutyo, okubha, “Abhasaani abha jitungwa jimbiibhi, abhanyamura jitungwa ja ekisi.”

1 Bakorinto 3:15

Araabha omurimu gwa omuunu gukarungura, awo niwo aribhusya echiyaanwa, nawe omwene arichungurwa, noorwo kutyo aribha rwa omuunu unu aawonera ku‑ngego okwingira mu‑muriro.

2 Bakorinto 5:11

Woori, kwa okubha chimenyere okuyaana Raatabhugenyi echibharo, echiikomeesya okukongya abhaanu, korereki bhamwikirisye. Nyamuwanga kaamenya kisi kutyo chiri, anye eniiyikanya ati emwe omuchisombookerwa kisi mu‑mitima jeemwe.

2 Batesalonika 3:14

Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

2 Yoana 1:11

Okubha omuunu unu kaamukeesya, kaasangira aamwi nage mu‑bhibhiibhi bhinu kaakora.

Yuuda 1:22

Mufwire echigongo abhaanu abhandi bhanu abheetimaata.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.

Obhusweruro 3:4

Nawe mw‑ikanisa rya Sariidi eyo, agati yeemwe bhari‑wo bhatooto bhanu bhachaari okukootya emyenda jeebhwe kwa okukora ebhibhiibhi. Mbe, bharibha aamwi na anye na bharifwafibhwa emyenda emyeru, kwa okubha bheeyire bhafware kutyo.