Yuuda 1:11 - Indagano Inyaaya mu-Chijita

¹¹ Jiribhabhona, kwa okubha bharuubhire orugere rwa Kayini na okukora ebhibhiibhi. Bheeyingisiisye mu‑chikayo, korereki bhabhone ribhona, rwa kutyo Bharaamu ꞉aakorere. Bharisingaarika inguru ya bhunyatagayuka bhwebhwe, rwa kutyo Koora ꞉aasingaarikire inguru ya bhunyatagayuka bhwaye.

INDAGANO INYA:YA

¹¹ Jiribabona abo! Okuba abaribatira mu njira ya Kaini, nibabirimira mu kuyaba kwa Balaamu korereki babone amabona, nibasimagira mu bwikoti bwa Kora.

Yuuda 1:11 Iomraidhean Croise

Matayo 11:21

“Jiribhabhona emwe abhaanu bha Korajiini! Jiribhabhona emwe abhaanu bha Bhetisaayida! Araabha ebhiruguusyo bhinu ꞉naakorere kw‑imwe anu, naakabhikorere ku‑bhaanu bha emisi ja Tiiro na Sidooni, chimari abhaanu abho, bhaakataaye ebhibhiibhi bhyebhwe. Bhaakakorere kutyo, kwa okufwara amagunira na okwibhambaga riifu.

Baeburania 11:4

Eriikirisya niryo ꞉ryakorere Abheeri ˆnaasoosisya Nyamuwanga echoogo cha ekisi okukira chinu Kayini ꞉aasoosiisye. Ku‑riikirisya eryo Nyamuwanga ꞉aabharire Abheeri okubha omuunu omurengeresi, na ˆnaaramira echoogo chaaye. Noorwo kutyo Abheeri ꞉aafuuwe, nawe eriikirisya ryaye erigenderera okubha echijekekanyo cha ekisi kw‑iswe noorwo reero inu.

2 Petero 2:15

Bhasigire injira ya obhwima, bhabhurire na okuruubha injira ya Bharaamu, omwana wa Bhewori. Omwene ꞉eendere okuramira omuyeero ku‑njira ya okukora ebhibhiibhi.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

Obhusweruro 2:14

Nawe, muri na emisango emitooto jinu jichaannyaasya. Agati yeemwe bhari‑wo abhaanu bhanu abharuubha ameeyigisyo ga Bharaamu. Bharaamu oyo, ꞉eeyigisiisye Bharaaki okuteganya Abhayisirayeeri korereki bhakore echibhiibhi cha okurya ebhiryo bhinu bhyariga bhisoosiibhwe echoogo ku‑masusano na okukora obhuromesi.