Yakobo 3:9 - Indagano Inyaaya mu-Chijita

⁹ Ku‑njira ya orurimi echikuuya Raata, oyo niwe Raatabhugenyi weeswe, nyabhuriko, ku‑njira ya orurimi orwoorwo echiiyiima abhaanu bhanu Nyamuwanga abhumbire mu‑rususo rwaye.

INDAGANO INYA:YA

⁹ Orwo nirwo eciku:isya Nyamuanga Rata, ka nirwo eci:imira aba:nu banu bakoreywe mu rususo rwa Nyamuanga.

Yakobo 3:9 Iomraidhean Croise

Matayo 26:74

Peetero ˆnaamba okwiyendera omwene amabhiibhi na okurayira ati, “Nitakumenya omuunu oyo!” Awoawo, rikookorome nirikookoroma.

Matayo 5:44

Nawe anye enibhabhwira ati, mwendega abhasoko bheemwe na musabhirwega bhoone bhanu abhabhanyaasya.

Ebikorwa 2:26

Kurwa ejo, omutima gwani ogukonderwa, ka wone mu‑kanwa kaani enisandabha. Noorwo omubhiri gwani, siku joone guri na obhwiyikanyo,

Barumi 3:14

“Mu‑minwa jeebhwe jiijuuye‑mo emisango ja echiyiimo, na emisango jinu ejiwutaasya.”

1 Bakorinto 11:7

Jiteeyire ku‑murume okuswikira omutwe, kwa okubha omwene ni chijekekanyo cha Nyamuwanga, ka wone keeresya rikusyo rya Nyamuwanga. Nawe omugasi keeresya rikusyo rya omurume waaye.

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

Yakobo 3:10

Mu‑munwa ogwoogwo ogumwi, nimwo ejisooka emisango ja okukuuya na eja okwiyiima. Abhayiri bhaani mu‑riikirisya, ejo jiteeyire jibhe kutyo.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.