Yakobo 2:5 - Indagano Inyaaya mu-Chijita

⁵ Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

INDAGANO INYA:YA

⁵ Mungwe, ba:na ba:su abendwa. ?Nyamuanga atasorere abataka ba mu ca:ro, babe bani:bi mu kwikirisya, barye omwandu gwo bukama bunu aragire banu abamwenda?

Yakobo 2:5 Iomraidhean Croise

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 5:3

“Bhari na ribhando abha obhukene na Nyamuwanga, kwa okubha obhukama bhwa mu‑rwire ni bhwebhwe.

Mariko 7:14

Yeesu ˆnaabhirikira rindi echise cha abhaanu, ˆnaabhabhwira ati, “Emwe bhoone muntegeresye, musombookerwe emisango jaani.

Ruuka 12:21

Yeesu, ˆnaamariisya kwa okwayika ati, “Nikwo kutyo jiribha, ku‑muunu unu keekumanyisya ebhiinu bhyafu inguru yaaye omwene, nawe obhuniibhi bhwaye bhutari na omuriiro gwonegwone imbere ya Nyamuwanga.”

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Ruuka 16:22

“Ejire eeya, Rajaaro omutaka aafwa, bhamaraayika nibhamugega nibhamusira mu‑rwire, ayeeyi na Bhurayimu. Omuniibhi urya wone ˆnaafwa, ˆnaasiikwa.

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Ruuka 22:29

Rwa kutyo Raata waani ꞉aanaaye anye obhukama, anye wone enibhayaana emwe obhukama.

Ruuka 6:20

Yeesu ˆnaaringira abheeyigisibhwa bhaaye abho, ˆnaabhabhwira ati, “Muri na ribhando emwe abhataka, kwa okubha, emwe neemwe abhaanu bha obhukama bhwa Nyamuwanga.

Yowana 7:48

Angu, ari‑wo omutangasya woonewoone wurya amwi Omufarisaayo noorwo umwi unu kaamwikirisya?

Ebikorwa 7:2

Tefwano ˆnaayika ati, “Bharaata na abhayiri bhaani, muntegeresye! Nyamuwanga owa rikusyo ꞉aasoromokeeye saaja weeswe Bhurayimu ari mu‑chaaro cha Mesopotaamiya. Omwanya gunu aariga achaari okwikara mu‑musi gwa Araani.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

2 Bakorinto 4:15

Emisango joone jinu echibhona, ni inguru yeemwe, korereki obhwitiriranya bhwa Nyamuwanga bhukingire abhaanu bhaafu muno, bhasiime muno Nyamuwanga. Ku‑gwo, Nyamuwanga arigenderera okukusibhwa.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

2 Batesalonika 1:5

Mbe, ejo joone ejeeresya ati, obhuramusi bhwa Nyamuwanga ni bhwa echimari. Nyamuwanga aaramura ati, emwe mwiyire mwingire mu‑bhukama bhwaye. Nikwo okukora, emwe omunyaaka inguru ya obhukama bhwaye.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 11:26

꞉Aarorere ati okufumwa inguru ya Kirisito ni bhuniibhi bhwafu muno okukira okubhona obhuniibhi bhwone bhwa ku‑chaaro cha Miisiri. ꞉Aarorere kutyo kwa okubha aariga ˆneeyikanya echiyaanwa chinu Nyamuwanga arimuyaana omwanya gunu oguuja.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

Yakobo 1:16

Abhayiri bhaani abheendwa, mwasiga okujigwa.

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

Yakobo 1:9

Omwikirisya omutaka unu atari na echibharo, kaakenwa akonderwe kwa okubha Nyamuwanga arimwinamusya.

1 Petero 1:4

Woori echirindirira okwanjura amabhando ganu Nyamuwanga abhiikiiye abhaana bhaaye mu‑rwire. Amabhando ago, gatakutura okubhora, okunyamuka, noorwo okuwotoka.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

Obhusweruro 21:7

Omuunu woonewoone unu ariyiga, nirimuyaana amabhando ago goone. Anye niribha Nyamuwanga waaye, omwene aribha omwana waani.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.