Matayo 9:2 - Indagano Inyaaya mu-Chijita

² Ejire aakinga eyo, abhaanu abhandi nibhamureetera omuunu unu aariga afuuwe omubhiri, amaamire kw‑iraro. Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, siiriika! Waafwirwa echigongo ebhibhiibhi bhyawo.”

INDAGANO INYA:YA

² Nibamure:tera omurwae akomborikire ama:mire ku buriri. Yesu ejire arora okwikirisya kwebwe, namubwira omukomborike oyo ati, Mwana wani, si:ri:ka, we:swaririrwa ebibi:bi byao.

Matayo 9:2 Iomraidhean Croise

Matayo 9:22

Ejire aayikuunʼya‑ko, awoawo Yeesu ˆneekebhuukira inyuma. Ejire aarora omugasi oyo, ˆnaamubhwira ati, “Muyaasya waani, siiriika! Waawosibhwa ku‑songa ya eriikirisya ryawo!” Awoawo, omugasi oyo ˆnaawora.

Yakobo 2:18

Woori omuunu owundi akaayika ati, “Awe, wuri na eriikirisya na anye niri na ebhikorwa bhya ekisi.” Niwo nirimubhwira ati, “Nyeeresya eriikirisya ryawo, rinu ritari na ebhikorwa bhya ekisi. Anye wone nikweresye eriikirisya ryani ku‑njira ya ebhikorwa bhyani bhya ekisi.”

Ebikorwa 19:12

Noorwo abharwaye bhanu bhaariga bhatakutura okukinga ku‑Pawuro, ꞉bhaasiriiwe ebhitambaara na emyenda jinu jaakunibhwaga ku‑mubhiri gwaye. Omwanya gunu abharwaye abho bhaajikuunʼyaga, bhaaworaga. Nyabhuriko amasambwa wone gaabhasookaga‑ko.

Yowana 21:5

Mbe, Yeesu ˆnaabhabhirikira ati, “Emwe bhasaani bhaani, angu, mweta‑ko iiswi yooneyoone?” Abheene nibhamusubhya ati, “Wuri.”

Matayo 8:10

Yeesu ejire oongwa emisango ejo, ˆnaaruguura muno. ˆNaabhwira abhaanu bhanu bhaamuruubhaga ati, “Ni chimari enibhabhwira ati, nichaariga okurora omuunu woonewoone owa eriikirisya enene rwa rinu, mu‑Bhayisirayeeri bhoone!

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Barumi 5:11

Mbe, okukira ejo joone, Nyamuwanga achikorere chikonderwe muno okutura ku‑Raatabhugenyi weeswe Yeesu Kirisito, kwa okubha omwene niwe achigwatanyiisye na Nyamuwanga.

Ebikorwa 14:9

Omwanya gunu Pawuro aaraasyaga, omuunu oyo wone aariga eenyanjire awo ˆnaamutegeresyaga. Pawuro ˆnaamuringira nekeneke, ˆnaarora ati, ari na eriikirisya rya okuwosibhwa.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Matayo 9:6

Nawe eneenda mumenye ati, anye Omwana wa Omuunu niyaaywe obhuturo bhwa okufwira echigongo ebhibhiibhi mu‑chaaro munu.” Neeya Yeesu ˆnaabhwira omuunu unu aariga afuuwe omubhiri ati, “Imereeguru! Ugege riraro ryawo, ugende iika ewaawo.”

Matayo 8:16

Yejire yaakinga keegoro, Yeesu ˆnaareterwa abhaanu bhaafu bhanu bhaariga bhawungirwe amasambwa. ˆNaasoosya amasambwa ago okusooka ku‑bhaanu mu‑kwayika omusango era. Ka wone, ˆnaawosya abharwaye bhoone.

Yowana 2:25

Omwene ꞉ateendere omuunu woonewoone okumubhwira jinu abhaanu bheeganirisyaga, kwa okubha ꞉aamenyere joone jinu jaariga jiri mu‑mwoyo gwa bhuri muunu.

Mariko 5:34

Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo. Nuugende na omurembe, obhurwaye bhusige okukusubha‑ko rindi.”

Mariko 1:32

Orusuku orwo keegoro, Isabhaato yejire yaatura, abhaanu bha mu‑musi omwo nibhareetera Yeesu abharwaye bhaafu, na bhanu bhaariga bhawungirwe amasambwa.

Matayo 6:12

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Matayo 9:5

Woori ni guuya omwangu okukira ogundi? Okumubhwira ati, ‘Waafwirwa echigongo ebhibhiibhi bhyawo,’ amwi okumubhwira ati, ‘Imereeguru, uribhate’?

Matayo 14:27

Awoawo, Yeesu ˆnaabhabhwira ati, “Musiiriike, musige okuubhaya! Naanye.”

Mariko 10:49

Niwo Yeesu ˆneemereeguru ˆnaayika ati, “Mumubhirikire aaje anu.” Nibhabhirikira omuwofu wurya, nibhamubhwira ati, “Siiriika, imereeguru! Kaakubhirikira.”

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”