Matayo 8:3 - Indagano Inyaaya mu-Chijita

³ Yeesu ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” Awoawo, ˆnaawora ebhigenge bhyaye.

INDAGANO INYA:YA

³ Nagorora okuboko kwae naika ati, Enenda, uore. Aonao ebigenge nibyera.

Matayo 8:3 Iomraidhean Croise

Matayo 12:13

Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya.

Mariko 1:41

Yeesu ˆnaamufwira echigongo, ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!”

Mariko 4:39

Niwo Yeesu ˆneemuka ˆnaagonya omuyaga, ˆnaabhwira inyanja ati, “Choreera uteekane! Siiriika!” Omuyaga gurya nigutemekera, inyanja niibha etore chimwi.

Mariko 5:41

ˆNaagwata omuyarakaji oyo okubhoko, ˆnaamubhwira ati, “Tariisa, koomu!” Obhugajuro bhwa emisango ejo ni ati, “Awe omuyarakaji, enikubhwira, iimuka!”

Mariko 7:34

Yeesu ˆnaaragamira ku‑rwire, ˆneesya omwika, ˆnaamubhwira ati, “Eefata,” nikwo okwayika ati, “Iiguka.”

Mariko 9:25

Yeesu ejire aarora ati echise cha abhaanu echiiyongesya okumwiyinda, ˆnaagonya risambwa rirya, ˆnaayika ati, “Awe risambwa! Naawe owukora omwana unu okubha omujibhi na owa amatwi. Woori enikugonya, sooka mu‑mwana unu, na waasiga okuregeeja okumwingira rindi!”

Ruuka 4:27

“Ku‑mwanya gwa omuragi Erisya, wone bhaariga bhari‑wo abhagenge bhaafu mu‑chaaro cha Yisirayeeri, nawe ꞉bhataawosiibhwe bhoone tari Naamaani era, omuunu kusooka mu‑chaaro cha Siiriya!”

Ruuka 5:13

Yeesu ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” Awoawo, ˆnaawora ebhigenge bhyaye.

Ruuka 7:14

Yeesu ˆnaafogera kw‑iraro rinu ryariga riri‑ko omutumbi, ˆnaarikuunʼya‑ko. Abhaanu bhanu bhaariga bhayangire omutumbi ogwo, nibheemereeguru. Yeesu ˆnaabhwira omutumbi ogwo ati, “Mumura awe, enikubhwira ati, iimuka!”

Yowana 11:43

Yeesu ejire aamara okusabhwa, ˆnaamura obhuraka ˆnaabhirikira ati, “Rajaaro, sooka omwo, iija anja enu!”

Yowana 15:24

Nikorere ebhiruguusyo ebhinene bhinu omuunu owundi achaariga okukora. Araabha bhakabheeye bhatabhirorere, bhatakabheeye na echibhiibhi. Nawe woori, bharorere joone jinu ꞉naakorere, noorwo kutyo bhachaansokere na Raata waani wone bhamusokere.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.