Filemoni 1:7 - Indagano Inyaaya mu-Chijita

⁷ Omuyiri waani, waankondisya na okunsiiriisya muno, kwa okubha eryenda ryawo, ryakora emyoyo ja abheekirisya abheejaanyu jisandabhe.

INDAGANO INYA:YA

⁷ Okuba natendeywe muno no kusi:ri:sibwa kurwo kwenda kwao, mwana wa:su, okuba urafuŋamisye emyoyo ja be:ru.

Filemoni 1:7 Iomraidhean Croise

1 Bakorinto 16:18

Bhaakondisya omwoyo gwani, ka wone bhaakondisya emyoyo jeemwe. Kurwa ejo, mubhamenye kisi abhaanu rwa abho.

2 Bakorinto 7:13

Ku‑gwo, mwachifungʼamya. Okukira‑wo ogwo, ꞉chaakondeeywe muno omwanya gunu ꞉chaarorere Tiito kutyo aariga ˆnaakondererwa, kwa okubha emwe bhoone ꞉mwakondisiisye omwoyo gwaye.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

1 Batesalonika 2:19

Chaariga cheendere okubhagosorera kwa okubha, Raatabhugenyi Yeesu aribha aasubha, emwe muribha obhwiyikanyo bhweswe, rikonderwa ryeswe na orutengya rwa obhuyigi bhunu chiriikuuyisya.

1 Batesalonika 3:9

Nyamuwanga weeswe achiyaaye rikonderwa enene muno ku‑songa yeemwe! Chitakutura wuri noorwo na akatyari okusoosya risiima rya echimari inguru ya rikonderwa ryone eryo imbere yaaye.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

Filemoni 1:20

Woori, omuyiri waani, nuunkorere omusango ogwo rwa wuti owukorera Raatabhugenyi Yeesu. Kondisya omwoyo gwani rwa kutyo abhayiri mu‑Kirisito abhakora.

2 Yoana 1:4

꞉Naakondeeywe muno nejire naarora abhaana bhaawo abharebhe nibharuubha echimari, rwa kutyo Raata Nyamuwanga ꞉aachiragiriiye.