Bafilipi 4:9 - Indagano Inyaaya mu-Chijita

⁹ Mugenderere okukora jinu ꞉mweeyigiiye, jinu ꞉mwaramiiye, jinu ꞉mwoonguuwe okusooka kw‑anye na jinu ꞉mwarorere ninkora. Niwo, Nyamuwanga unu kaabhayaana omurembe arigenderera okubha aamwi na emwe.

INDAGANO INYA:YA

⁹ Binu mwe:igiye nimuramira nimungwa no kurora kwanye, nibyo mukorega, na Nyamuanga wo murembe arabaga aamwi nemwe.

Bafilipi 4:9 Iomraidhean Croise

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Ruuka 6:46

“Ni kurwa ki omumbirikira ati ‘Raatabhugenyi, Raatabhugenyi,’ nawe emisango jinu enibhabhwira, mutakujikora?

Ruuka 8:21

Yeesu ˆnaabhasubhya ati, “Maayi na abhamura bhaasu ni bhanu abhoongwa omusango gwa Nyamuwanga na okugugayuka.”

Yowana 13:17

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

Yowana 15:14

Araabha mukakora jinu nibharagiriiye, emwe muri bhasaani bhaani.

Yowana 2:5

Niwo nyiramwene ˆnaabhwira abhakosi ati, “Omusango gwonegwone gunu araabhabhwire, mugukore.”

Ebikorwa 9:6

Woori, imereeguru! Genda wingire mu‑musi, omwo owuja okubhwirwa jinu ukenerwe okukora.”

Barumi 15:33

Nyamuwanga unu kaabhayaana omurembe, abhe aamwi na emwe bhoone. Jibhe kutyo.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

1 Bakorinto 14:33

kwa okubha Nyamuwanga weeswe atari wa injogere, tari ni wa omurembe. Rwa kutyo jiri mu‑makanisa goone ga abheeru bha Nyamuwanga,

1 Bakorinto 4:16

Woori, enibheerembeeresya ati, mubhe nimuruubha orugere rwani.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

Bafilipi 3:17

Abhayiri bhaani, bhoone muruubhe jitungwa jaani. Ka wone mwiyigire okusooka ku‑bhaanu bhanu abharuubha jitungwa jeeswe.

Bafilipi 4:7

Niwo, omurembe gwa Nyamuwanga gunu ogukira okusombookerwa kwone kwa abhaanu guririnda emitima na obhwiganirisya bhwemwe kwa okubha muri na obhumwi na Kirisito Yeesu.

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

1 Batesalonika 2:14

Abhayiri bheeswe, emisango jinu ꞉jaabhwene abhaanu bhanu ꞉bheekirisiisye Kirisito Yeesu, mu‑makanisa ga Nyamuwanga mu‑mukoowa gwa Yuudeya, nijo jibhabhwene emwe wone. Abhaanu bheemwe ꞉bhaabhanyaasiisye emwe, rwa abheene kutyo bhaanyaasiibhwe na Abhayawudi bheejaabho.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Batesalonika 3:4

Raatabhugenyi kaachiyaana obhwiyikanyo bhunene kw‑imwe ati, woori omukora jinu echibharagirira, ka wone omuja okugenderera okujikora.

2 Timoteo 4:22

Raatabhugenyi Yeesu abhe aamwi na awe. Obhwitiriranya bhwaye bhubhe aamwi na emwe bhoone.

Yakobo 1:22

Musigega okwijiga abheene. Musige okubha abhaanu bhanu omutegeresya era omusango gwa Nyamuwanga, tari mukorega kutyo ogwayika.

2 Petero 1:10

Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.