Bafilipi 3:3 - Indagano Inyaaya mu-Chijita

³ Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

INDAGANO INYA:YA

³ Okuba eswe ciri bo rutendo, banu eciramya Nyamuanga mu Mwoyo, nici:kuya mu Yesu Kristo, nawe citakwiikanya ebyo mubiri.

Bafilipi 3:3 Iomraidhean Croise

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 15:17

Woori, omwanya gunu enikorera emirimu Nyamuwanga kutyo ku‑managa ga Kirisito Yeesu, enikuuyisya obhukosi obhwo.

Barumi 7:6

Chaariga chibhoyerwe na ebhiraagiro, nawe woori chifuuwe aamwi na Kirisito, kutyo, ebhiraagiro ebhyo bhitakuchibhoya rindi. Woori chitakukorera Nyamuwanga ku‑njira ya kara ya okuruubha ebhiraagiro bhinu ꞉bhyakaamirwe, tari ku‑njira inyaaya ya okutangasibhwa na Mwoyo Mweru.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Barumi 9:6

Nitakwayika ati Nyamuwanga ꞉aataamiibhwe okukuumisya emirago jaaye ku‑Bhayisirayeeri. Jitari kutyo, kwa okubha bhatari Bhayisirayeeri bhoone bhanu bhari Bhayisirayeeri bha echimari.

2 Bakorinto 11:18

Abhaanu bhaafu abheekuuya inguru ya emisango ja mu‑chaaro munu, kurwa ejo, musige anye wone niikuuye.

Bagalatia 5:25

Mwoyo Mweru achiyaaye obhuwanga obhuyaaya, mbe chiruubhe obhutangasya bhwaye.

Bagalatia 6:16

Omurembe na echigongo okusooka ku‑Nyamuwanga bhibhe na abhaanu bhoone bhanu abharuubha echimari echo, abho nibho abhaanu bha Nyamuwanga.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Bafilipi 3:12

Anye nitakwayika ati naakingiiye ejo joone, amwi ati naakumisibhwe, wuri, tari enigenderera okwikomeesya korereki nijibhone ejo. Ejo nijo Kirisito Yeesu ꞉aambirikiriiye nijibhone.

Bafilipi 3:14

Eniikomeesya okubhirima korereki ku‑bhuteero nibhone obhuyigi na okuyaanwa echiyaanwa. Echiyaanwa echo nibhwo obhubhirikisi bhwa Nyamuwanga bhwa okwingira mu‑rwire ku‑njira ya Kirisito Yeesu.

Bakolosai 2:11

Omwanya gunu ꞉mwabheeye na obhumwi na Kirisito, omwene ꞉aabhatendere, nikwo okwayika ati, ꞉aabhafuurire bhumuunu bhwemwe bhwa ebhibhiibhi. Okutenda okwo ꞉kutaakorerwe kwa amabhoko ga abhaanu, tari ku‑njira yaaye omwene.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.