Bafilipi 3:19 - Indagano Inyaaya mu-Chijita

¹⁹ Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

INDAGANO INYA:YA

¹⁹ Obute:ro bwebwe nikwo kusimagira, mungu webwe niyo inda, ne cibaro cebwe ciri mu nswaro jebwe, abe:ganirisya ebye ca:ro.

Bafilipi 3:19 Iomraidhean Croise

Matayo 16:23

Nawe Yeesu, ˆneekebhuukira, ˆnaabhwira Peetero ati, “Sooka anu Syetaani! Owuregeeja okunyingirira okukora jinu Nyamuwanga keenda! Awe utakwiganirisya jinu jiri ja Nyamuwanga, tari wiganirisya jinu jiri ja abhaanu.”

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Ruuka 12:19

Niwo enija okwiyayikira mu‑mutima gwani ati, “Woori neebhiikira ebhibhiikwa bhyafu bhya ekisi. Ebhibhiikwa ebhyo ebhija okungega‑wo emiguuga myafu! Mbe, niisye omwoyo, nirye, ninywe na okukonderwa!”’

Ruuka 16:19

Yeesu ˆnaagenderera okubhabhwira echijekekanyo ati, “Aariga ari‑wo omuniibhi umwi. Omuniibhi oyo, aariga ˆnaafwara emyenda ja ekisi, ja irangi ya ijambarawu ja obhugusi obhurambu. Bhuri rusuku aaryaga na okunywa rwa omuunu unu ari na obhugenyi.

Ruuka 18:4

“Ku‑mwanya omureera, omuramusi oyo aariga aremere okubhagira omugasi oyo. Nawe ku‑bhuteero, ˆneeyayikira mu‑mutima gwaye ati, ‘Noorwo kutyo nitakugayuka Nyamuwanga, na nitakuyaana omuunu woonewoone echibharo,

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Barumi 6:21

Nawe angu, ꞉mwabhwene omuriiro ki okuruubhana na ebhikorwa bhyemwe ebhijabhi, bhinu woori ebhireterera murore jiswaro? Gutari‑mo omuriiro gwonegwone! Emisango ejo ejireeta orufu rwa akajaanende koone.

1 Bakorinto 3:3

kwa okubha muchaatangasibhwa na emisango ja echaaro. Angu, araabha agati yeemwe ruri‑wo orwiso na inyombo, ebhyo bhitakweresya ati muchaatangasibhwa na emisango ja echaaro na okwikara rwa abhaanu bha echaaro?

1 Bakorinto 5:2

Kurwa ki emwe omwikuuya? Ni akiri mukasurumbaaye na okusoosya agati yeemwe omuunu unu kaakora ejo!

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

2 Bakorinto 11:12

Nirigenderera okukora emirimu rwa kutyo enikora woori, korereki bhanu abheerora wuti nibho jitumwa jingʼuru, bhaasiga okubhona omwanya gwa okwikuuya ati, abhakora emirimu rwa eswe.

2 Bakorinto 11:15

Kurwa ejo, gutari musango gwa okuruguusya, araabha abhakosi bhaaye wone abheekora wuti ni bhakosi bha obhurengeresi. Ku‑bhuteero bhwebhwe, bhariramira jinu ejiingana na ebhikorwa bhyebhwe.

Bagalatia 6:13

Noorwo abheene bhanu bhatenderwe, wone bhatakuruubha ebhiraagiro bhyone. Echiinu chinu abheenda ni ati emwe mutendwe, korereki bheekumangisye okutendwa kwemwe.

Bafilipi 2:21

Abhaanu abhandi bhoone abhafurubhenda na emisango jeebhwe abheene, jitari jinu Yeesu Kirisito keenda.

Bakolosai 3:2

Mwiganirisye emisango jinu jiri mu‑rwire, musige okwiganirisya jinu jiri ku‑chaaro kunu,

2 Batesalonika 1:9

Indamu yeebhwe iribha okusingaarisibhwa akajaanende koone, bharitaganyibhwa na Raatabhugenyi chimwi, ka wone bharisoosibhwa mw‑ikusyo rya amanaga gaaye.

2 Batesalonika 2:12

Awo niwo bhoone bhanu bhatakwikirisya echimari, tari abhakondererwa ebhibhiibhi, bhariramurwa.

2 Batesalonika 2:8

Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

2 Timoteo 3:4

bharibhaga nibharomera abheejaabho iniku, bharibhaga bhamaayuke na abha okwikumangya. Bharibhaga bhatakwenda Nyamuwanga, tari bharyendaga emisango ja echaaro muno.

Yakobo 4:16

Nawe woori emwe, omwikumangya na omwikuuya. Okwikumangya okwo, ni ku‑bhibhiibhi.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

2 Petero 2:13

Ka wone, bhaririywa ebhinyaasyo rwa kutyo ꞉bhaaretereeye abhaanu abhandi. Abhakonderwa okukora emisango ja okurigira kwebhwe okubhiibhi abhwerubhweru. Noorwo omwanya gunu abharya aamwi na emwe, abhakondererwa okubhajiga. Ku‑njira eyo, abheene bhari rwa obhutonetone ku‑myenda emyeru na abhabhaswasya.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Yuuda 1:10

Nawe abhaanu abho, abhafuma emisango jinu bhatakusombookerwa. Ka wone, emisango jinu bhasimukire bhajisombookeeywe rwa jityanyi jinu jitari na obhwenge, ejo nijo ejibhasingaarisya.

Yuuda 1:16

Abheeyigisya bha orubheeyi bharya abhajujuuma na okutongʼanira abhandi, keenu nibharuubha okurigira kwebhwe okubhiibhi. Abheekuuya muno na okwayika emisango ja okukondisya abhaanu, isonga iri ati, bheebhonere omuriiro.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 18:7

Mumubhume jimbuma na okumunyaasya okwingana na kutyo ꞉aakorere okwibhonera echibharo na obhuniibhi. Okubha omwene keeyema mu‑mwoyo gwaye, ˆnaayika ati, ‘Niinyanjire okutunga rwa omugore, noorwo anye nitaribha omutumbagasi, kwa okubha nitari na omurume, nitarisurumbara wuri!’

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.