Bafilipi 3:13 - Indagano Inyaaya mu-Chijita

¹³ Abhayiri bhaani, nitakwibhara ati naajibhwene ejo. Nawe enikora omusango gumwi gunu, nisige okwiganirisya emisango ja inyuma jinu jaaturire na eniikomeesya korereki nibhone emisango jinu jiri imbere.

INDAGANO INYA:YA

¹³ Ba:na ba:su, nitakwiganirisya ati, namarire okugwata, nawe enikora ecigambo cimwi rinu, nindabirwa ebya inyuma, nini:ruki:rira ebya imbere,

Bafilipi 3:13 Iomraidhean Croise

Ruuka 10:42

Nawe, guri‑wo omusango gwa ekisi gumwi era okukira joone. Omusango ogwo ni kuntegeresya anye. Ogwo nigwo omuyara oweejaanyu Maryamu eetoora. Atari‑wo omuunu woonewoone unu kaatura okumuteesya omusango ogwo.”

Ruuka 9:62

Yeesu ˆnaamubhwira ati, “Omuunu woonewoone unu aambire okurimisya jiingʼa, neeya ˆnaaringira inyuma, oyo ateeyire okubha omukosi mu‑bhukama bhwa Nyamuwanga.”

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Bafilipi 3:12

Anye nitakwayika ati naakingiiye ejo joone, amwi ati naakumisibhwe, wuri, tari enigenderera okwikomeesya korereki nijibhone ejo. Ejo nijo Kirisito Yeesu ꞉aambirikiriiye nijibhone.

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

Baeburania 6:1

Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.

2 Petero 3:8

Nawe, abheendwa bhaani, mwasiga okurabhirwa omusango gunu ati, ku‑Raatabhugenyi, orusuku rumwi ruri rwa emiguuga chiwumbi na emiguuga chiwumbi ku‑mwene jiri rwa rusuku rumwi era.