Bafilipi 2:30 - Indagano Inyaaya mu-Chijita

³⁰ kwa okubha aariga ari yeeyi okufwa inguru ya emirimu ja Kirisito. Chimari aariga ari yeeyi okusingaarisya obhurame bhwaye korereki akingye kw‑anye ebhiinu bhinu emwe mutakaturire okunkingisya.

INDAGANO INYA:YA

³⁰ Okuba ariga ajo:kufwa kurwo murimu gwa Kristo, okuba ateeo obuanga bwae korereki akumisye binu byariga bitarimo mu kufurubenda kwemwe kwanye.

Bafilipi 2:30 Iomraidhean Croise

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Barumi 16:4

na bhaariga bhari yeeyi okusingaarisya obhurame bhwebhwe inguru yaani. Nitari anye era unu enibhasiima, tari noorwo abheekirisya bhanu bhatari Bhayawudi mu‑makanisa goone, abhabhasiima muno. Ka wone, mukeesye abheekirisya bhanu abheekumanyaga mu‑nju yeebhwe.

1 Bakorinto 15:53

Jiribha kutyo, kwa okubha omubhiri gunu ogunyamuka gwenderwe guyindurwe gubhe omubhiri gunu gutakunyamuka, omubhiri gunu ogufwa guyindurwe gubhe omubhiri gunu gutakufwa.

1 Bakorinto 16:10

Timoteewo akabhaaja‑ko eyo, mumuramire bhwa kisi, korereki eekare kuyaya wuri, kwa okubha omwene kaakora emirimu ja Raatabhugenyi rwa anye.

1 Bakorinto 16:17

꞉Naakondeeywe muno Sitefwana, Foritunaato na Akayiko, bhunu ꞉bhaakingire anu. Abheene bhaangosorera, bhaakuumisya jinu naari nigerukiiywe kwa okurema okubha‑wo emwe.

2 Bakorinto 12:15

Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

2 Bakorinto 4:12

Mbe, ku‑songa eyo, eswe chiri mu‑ngʼanga ya okufwa, nawe emwe omubhona obhuwanga.

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Bafilipi 2:27

Chimari aariga arwaye muno ari yeeyi okufwa. Nawe Nyamuwanga ꞉aamufwiriiye echigongo. Itari ati Nyamuwanga amufwiriiye echigongo omwene era, noorwo anye wone anfwiriiye echigongo, korereki nisige okusurumbara muno.

Bafilipi 4:10

Mbe, naakonderwa muno inguru ya okubha na obhumwi na Raatabhugenyi Yeesu, kwa okubha ku‑bhuteero, mwaamba rindi okunyiganirisya. Enimenya ati siku joone mwariga nimunyiganirisya, nawe mwabhurirwe omwanya gwa okukora kutyo.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Filemoni 1:13

Ka wone, naakeendere agenderere okwikara na anye anu, korereki abhone omwanya gwa okunsakira rwa kutyo awe wakansakiiye ku‑bhunu niri mw‑ibhoyero inguru ya Emisango ja Ekisi.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.