Bafilipi 2:29 - Indagano Inyaaya mu-Chijita

²⁹ Mumuramire mukondeeywe muno kwa okubha ni weejaanyu mu‑kwikirisya Raatabhugenyi Yeesu. Abhaanu rwa oyo mubhayaanega echibharo,

INDAGANO INYA:YA

²⁹ Mbe mumuramire mu Ratabugenyi no kukonderwa kwone. Na be:ja:bo oyo mubayanega ecibaro.

Bafilipi 2:29 Iomraidhean Croise

Ruuka 9:5

Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Yowana 13:20

Ni chimari enibhabhwira ati, omuunu woonewoone unu kaakuma unu anye nitumire, kaankuma anye. Nyabhuriko, unu kaankuma anye, kaakuma unu ꞉aantumire.”

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 28:10

Abheenengo nibhachiyaana echibharo echinene muno. Bhunu chaariga chiri yeeyi okwimuka, nibhachituurira mu‑ngarabha bhuri echiinu chinu chaariga nichikena mu‑rugendo rweswe.

Ebikorwa 8:8

Kurwa ejo abhaanu bha mu‑musi ogwo nibhabha na rikonderwa enene.

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Barumi 16:2

Enisabhwa mumukume kisi, kwa okubha omwene wone ni mwikirisya wa Raatabhugenyi Yeesu. Mumukume rwa kutyo jikenerwe agati ya abheekirisya bha Yeesu Kirisito. Ka wone, enisabhwa ati, mumusakire na choonechoone chinu kaakena, kwa okubha omwene wone ꞉aasakiiye abhaanu bhaafu, niri‑mo naanye.

1 Bakorinto 16:10

Timoteewo akabhaaja‑ko eyo, mumuramire bhwa kisi, korereki eekare kuyaya wuri, kwa okubha omwene kaakora emirimu ja Raatabhugenyi rwa anye.

1 Bakorinto 16:18

Bhaakondisya omwoyo gwani, ka wone bhaakondisya emyoyo jeemwe. Kurwa ejo, mubhamenye kisi abhaanu rwa abho.

2 Bakorinto 10:18

Obhugajuro bhwagwo ni ati, omuunu woonewoone unu keekondya omwene atakwikirisibhwa, tari unu Raatabhugenyi kaamukuuya, niwe keekirisibhwa.

2 Bakorinto 7:2

Muchiyaane omwanya mu‑myoyo jeemwe, kwa okubha ꞉chitaakayiiye omuunu woonewoone, ꞉chitaayabhyisye woonewoone, ka wone ꞉chitaajigire woonewoone.

Bafilipi 2:28

Kurwa ejo, eneenda muno okumutuma kw‑imwe, korereki mukabhugana rindi, mukonderwe na omwoyo gwani gufungʼame.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

1 Batesalonika 5:12

Woori, emwe abhayiri bheeswe, echibheerembeeresya mugayuke abhaanu bhanu abhakora emirimu ja Nyamuwanga mw‑imwe, abhabhatangasya na okubhagonya ku‑bhuturo bhwa Raatabhugenyi Yeesu.

1 Timoteo 5:17

Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

3 Yoana 1:10

Kurwa ejo, aribha naaja eyo, niryayika joone jinu kaakora. Nirituura ku‑bhweru obhutaamutaamu bhwaye na emibhiibhi joone jinu kaayika inguru yeeswe. Jitari ejo era, tari kaarema okukuma abheejaasu bhanu bhari mu‑rugendo. Ka wone abheekirisya abhandi bhanu abheenda okubhakuma, kaabhagaanya na kaabhabhirimya bhasooke mw‑ikanisa.