Bafilipi 2:14 - Indagano Inyaaya mu-Chijita

¹⁴ Emisango joone jinu omukora, mujikore okujujuuma wuri noorwo okubhambasyanya.

INDAGANO INYA:YA

¹⁴ Mukorega byone mutarimo kwitoŋanira amwi mamba.

Bafilipi 2:14 Iomraidhean Croise

Matayo 20:11

Kurwa ejo, bhejire bhaamara okuramira omuyeero gwebhwe, nibhaamba okutongʼanira omwene esambu

Mariko 14:5

Jikabheeye kisi araabha amafuta ganu gakagusiibhwe kwa jipirya nyafu muno, na okugabhira abhataka.” Nibhagonya muno omugasi wurya.

Mariko 9:14

Yeesu, Peetero, Yowana na Yakobho bhejire bhaakinga ku‑bheeyigisibhwa abhandi bharya, nibhasongʼana echise echinene cha abhaanu chibheeyindire. Abheeyigisya bha ebhiraagiro bhya Muusa bhaariga nibhabhambasyanya na abheeyigisibhwa abhandi abho.

Ruuka 5:30

Echikorwa echo nichikora Abhafarisaayo, na abheeyigisya bheebhwe bha ebhiraagiro bhya Muusa, nibhagenda okujujuuma ku‑bheeyigisibhwa bha Yeesu, nibhaayikaga ati, “Mbawo, omurya na okunywa aamwi na abhatobhesya bha rigooti na abhakosi bha ebhibhiibhi?”

Ebikorwa 15:2

Omusango ogwo nigukora Pawuro na Bharinaabha bhareme abhaanu abho na okwayikana nabho kwa obhururu muno. Kurwa ejo, abheekirisya bha Atiyookiya awo nibhatema echiina ati abhaanu abharebhe mu‑bheene bhagende Yerusareemu aamwi na Pawuro na Bharinaabha, korereki bhagende okuroma na jitumwa ja Yeesu na abhakaruka bha rikanisa rya Nyamuwanga inguru ya omusango ogwo.

Ebikorwa 15:39

Ejo nijikora Pawuro na Bharinaabha bhayombe muno, okukingira nibhaawukana. Bharinaabha ˆnaagega Maariko, nibhagenda aamwi na ingarabha nibhakinga kw‑isinga rya Kiipuro.

Ebikorwa 15:7

Bhunu bhaamarire omwanya omureera okwayikana nabho, Peetero ˆneemereeguru, ˆnaabhabhwira ati, “Emwe abhayiri bhaasu omumenya ati, siku nyafu jinu jiyitingʼeene Nyamuwanga ꞉aanyawuuwe agati yeemwe, korereki abhaanu bhanu bhatari Bhayawudi, bhabhwirwe Emisango ja Ekisi na okujiikirisya, okutura kw‑anye.

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Barumi 12:18

Mbe, rwa kutyo ejiturikana, emwe ku‑rubhaara rwemwe, mubhe na omurembe na abhaanu bhoone.

Barumi 14:1

Mukume omwikirisya oweejaanyu unu achaari kurumatana mu‑riikirisya ryaye. Mwasiga okubhambasyanya nage inguru ya obhwiganirisya bhwaye bhukataasyanya na obhwemwe.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

1 Bakorinto 10:10

Ka wone, mwasiga okujujuuma rwa kutyo abhandi mu‑bheene ꞉bhaajujuumire, nibheetwa na maraayika omusingaarisya.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

Bagalatia 5:15

Nawe mukarumana na okuwutaasyanya rwa jityanyi ja ibhara, mwiyangarire korereki mwasiga okusingaarisyanya.

Bagalatia 5:26

Chisigega okwikumangya kutyo era, nichisoogorana na okujiranira orwiso.

Bafilipi 2:3

Musige okukora omusango gwonegwone kwa orwiso noorwo kwa orwikuuya. Tari mwikeeyega na murorega abhaanu abhandi okubha bha ngʼoryo muno okukira emwe abheene.

1 Batesalonika 5:13

Mubhayaane echibharo na mubheende muno okuruubhana na emirimu jeebhwe ja okubhasakira emwe echinyamwoyo. Ka wone murame kwa omurembe, emwe abheene kwa abheene.

1 Batesalonika 5:15

Mwangarire, omuunu woonewoone aasiga okusubhya orusiima ku‑weejaabho. Tari bhuri rusuku mwikomeesye okukoreraniraga ja ekisi, emwe abheene kwa abheene. Mukore kutyo ku‑bhaanu bhoone.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Yakobo 1:20

okubha risungu rya echinyamuunu ritakukora obhurengeresi bhwa Nyamuwanga.

Yakobo 3:14

Nawe mukabha na orwiso, obhururu na orwango mu‑mitima jeemwe, musige okwikuuya ati muri na obhwengeeso, noorwo musige okwayika orubheeyi inguru ya echimari.

Yakobo 5:9

Abhayiri bhaani mu‑riikirisya, musige okujujuumirana abheene kwa abheene korereki mutariramurwa. Mwangarire! Omuramusi wa ebhiraagiro ari yeeyi okusubha.

1 Petero 3:11

Asige okukora ebhibhiibhi, akore ja ekisi. Ka wone eekomeesye okubha na omurembe aamwi na abheejaabho,

1 Petero 4:9

Mubhega abhafura emwe abheene kwa abheene mutajujuuma wuri.

Yuuda 1:16

Abheeyigisya bha orubheeyi bharya abhajujuuma na okutongʼanira abhandi, keenu nibharuubha okurigira kwebhwe okubhiibhi. Abheekuuya muno na okwayika emisango ja okukondisya abhaanu, isonga iri ati, bheebhonere omuriiro.