Bafilipi 2:12 - Indagano Inyaaya mu-Chijita

¹² Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

INDAGANO INYA:YA

¹² Mbe, abendwa bani, rwa kutyo mwongwaga siku jo:ne, tari runu anye enibao era, nawe woryanu kukira muno anu nitario, mbe, mukumisyega omweruro gwemwe abene mu ku:baya no kuyarara.

Bafilipi 2:12 Iomraidhean Croise

Matayo 11:12

Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga, na abhaanu bha amanaga nibho abhabhubhona.

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Ebikorwa 16:29

Awo, omuriisi oyo ˆnaaragirira ati idara iretwe. ˆNeengira mw‑ibhoyero omwo bhwangwebhwangwe, ˆnaagwa imbere ya Pawuro na Siira ˆnaayararaga.

Ebikorwa 9:6

Woori, imereeguru! Genda wingire mu‑musi, omwo owuja okubhwirwa jinu ukenerwe okukora.”

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

1 Bakorinto 2:3

Omwanya ogwo naariga nijorobhokere, naariga ninuubhaya, okukingira okuyarara muno.

1 Bakorinto 4:14

Nitakubhakaamira emisango jinu okubhaswasya, tari eneenda okubhakengya rwa abhaana bhaani abheendwa,

2 Bakorinto 7:15

Eryenda rya Tiito kw‑imwe, erigenderera okwiyongesya chimwichimwi, omwanya gunu keechuka obhugayuki bhwemwe bhwone na kutyo ꞉mwamuramiiye kwa echibharo na mu‑kuyarara.

Baefeso 6:5

Emwe abhagaya, mugayukega abhaami bheemwe bha echinyamubhiri mu‑bhuubha na mu‑kuyarara. Mukorega kutyo, mu‑mutima omweru, rwa kutyo omukorera Kirisito.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Bafilipi 1:5

kwa okubha musangiiye aamwi na anye mu‑kuraasya Emisango ja Ekisi, okwambira orusuku runu ꞉mweekirisiisye okukingira reero.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Bafilipi 2:19

Raatabhugenyi Yeesu aakeenda, eniiyikanya okutuma Timoteewo bhwangu kw‑imwe, korereki omwanya gunu arisubha, anye wone nifungʼamibhwe akantondera emisango jeemwe.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 4:15

Rwa kutyo emwe Abhafiriipi mumenyere, omwanya gunu ꞉naambire okubharaasisya Emisango ja Ekisi, na omwanya gunu ꞉naasookere mu‑mukoowa gwemwe gwa Makedooniya, emwe abheene era nibho mwariga nimunsakira. Rikanisa ryemwe era niryo ryariga riri na obhumwi naanye mu‑kusoosya na mu‑kuramira ebhiinu.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Baeburania 4:11

Kurwa ejo, chiikomeesye okwingira orubhaara rwa okwisya omwoyo. Chibhega nichikora kutyo korereki aasiga okubha‑wo omuunu woonewoone wa okutaamibhwa okwingira ku‑songa ya okurema okugayuka Nyamuwanga, rwa kutyo bhasaaja weeswe bhaariga nibhakora.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Petero 2:11

Abheendwa, emwe muri rwa abhagenyi na abhayitingʼani ku‑chaaro kunu. Kurwa ejo, enibheerembeeresya ati, mwikenge obhurigire bhwa emibhiri jeemwe bhunu obhuyaajana na emitima jeemwe.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.