Bafilipi 2:10 - Indagano Inyaaya mu-Chijita

¹⁰ korereki ku‑chibharo cha risiina rya Yeesu, ebhibhumbwa bhyone bhya mu‑rwire, bhya ku‑chaaro na ebhya mu‑nyombe, bhiifukame ku‑mwene.

INDAGANO INYA:YA

¹⁰ Korereki jiŋokora jo:ne jifukamire risi:na rya Yesu, eja ba mu rwire ne ja ba ku:si, na be mwaro ya i:si,

Bafilipi 2:10 Iomraidhean Croise

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Matayo 27:29

Nibhasinga orutengya rwa amawa, nibhamufwafya ku‑mutwe na okutuura risekeyanda mu‑kubhoko kwaye kwa ebhuryo, korereki abhonekane wuti ni mukama. Nibheefukama imbere yaaye bhari wuti abhamuramya, niwo nibhamusiijaaka nibhaayikaga ati, “Kasinge, omukama wa Abhayawudi!”

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Barumi 11:4

Nawe Nyamuwanga ꞉aamusubhiisye kutiki? ꞉Aayikire ati, “Niisaagisiisye abhaanu bhiwumbi bhitaanu na bhibhiri bhanu bhatakuramya Bhaari.”

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Baefeso 3:14

Kurwa ejo, eniifukama imbere ya Raata Nyamuwanga na okubhasabhirwa.

Baefeso 4:9

Mbe, omusango ogwo ati, “꞉Aariinyire inguru,” obhugajuro bhwagwo niki? Nikwo okwayika ati, omwene wone ꞉eekire emwaro muno ku‑chaaro anu.

Baeburania 1:6

Ka wone, omwanya gunu Nyamuwanga ꞉aatumire Omwana waaye wenyere ku‑chaaro anu, ꞉aayikire ati, “Bhamaraayika bhoone bha Nyamuwanga bharamye Omwana oyo.”

Obhusweruro 20:13

Inyanja nisoosya abhafuuwe bhanu bhaariga bhari‑mo. Orufu na nyombe wone nibhisoosya abhafuuwe bhanu bhaariga bhari‑mo. Bhuri umwi weebhwe ˆnaaramurwa okuruubhana na ebhikorwa bhyaye.

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 5:3

Nawe ꞉ataabheeye‑wo omuunu noorwo umwi, mu‑rwire eyo, amwi ku‑chaaro anu, noorwo mu‑nyombe eyo, unu aariga eeyire okufumbura echitabho echo na okuchisoma.