Bafilipi 1:6 - Indagano Inyaaya mu-Chijita

⁶ Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

INDAGANO INYA:YA

⁶ Nimenyere kara omusango gunu ati, Oyo ambire omurimu gwo bwana mwimwe, niwe arigukumisya kukinga ku rusiku rwa Yesu Kristo.

Bafilipi 1:6 Iomraidhean Croise

Yowana 6:29

Yeesu ˆnaabhasubhya ati, “Omusango gunu Nyamuwanga keenda mukore, ni kunyikirisya anye, unu omwene ꞉aatumire.”

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

2 Bakorinto 1:15

Naariga niri na obhwiyikanyo obhwo, nikwo okukora naariga nineenda okukinga kw‑imwe eyo okwamba, korereki mubhone ribhando rya okugosorerwa na anye orwa kabhiri.

2 Bakorinto 2:3

Eyo niyo isonga inu ꞉yaakorere nimbakaamira ku‑nyarubha irya ati nitakubhaaja‑ko, naasiga okusurumbasibhwa na emwe, bhanu mwenderwe okunkora nikonderwe. Nimenyere chimari ati, anye nikakonderwa, emwe bhoone wone omukonderwa.

2 Bakorinto 7:16

Enikonderwa muno, okubha woori enitura okubheeyikanya kata.

2 Bakorinto 9:4

Araabha nikaaja kw‑imwe eyo aamwi na Abhamakedooniya abhandi na okusongʼana ati muchaari okwimaririra, awo niwo omubha muchiswasiisye inguru ya obhwiyikanyo bhweswe kw‑imwe. Ka wone, emwe muribha na jiswaro jinyatatogorwa.

Bagalatia 5:10

Enimenya kisi ati emwe muri na obhumwi na Raatabhugenyi Yeesu, kurwa ejo, mutariikirisya okujigwa. Nawe omuunu woonewoone unu aribhajiga, noorwo abhega, ariyaanwa ebhitiibha.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

2 Batesalonika 1:11

Kurwa ejo, echisabhwa Nyamuwanga weeswe bhuri rusuku ati, abhayaane obhuturo bhwa okwikara obhurame bhunu abhabhirikiiye mwikare. Ka wone, echimusabhwa ati, ku‑bhuturo bhwaye akuumisye bhuri musango gwa ekisi gunu omukena okukora na akuumisye bhuri musango gunu omukora mu‑riikirisya.

2 Batesalonika 3:4

Raatabhugenyi kaachiyaana obhwiyikanyo bhunene kw‑imwe ati, woori omukora jinu echibharagirira, ka wone omuja okugenderera okujikora.

Filemoni 1:21

Enikukaamira jinu, kwa okubha enimenya ati owuja okukora jinu naakusabhwa, ka wone owuja okukora okukira ejo.

Baeburania 10:35

Kurwa ejo, mugenderere okubha na ribhaasi eryo, kwa okubha ku‑njira eyo muriramira echiyaanwa echinene muno okusooka ku‑Nyamuwanga.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

2 Petero 3:10

Orusuku rwa okusubha Raatabhugenyi Yeesu ruriija kwa okutakya rwa omwifi. Orusuku orwo, orutumba rurisooka‑wo kwa omurundumo munene, ebhiinu bhinu bhiri‑mo bhiryochibhwa kwa omuriro, echaaro wone chirisingaarisibhwa aamwi na ebhiinu bhyone bhinu bhiri‑mo.