Bafilipi 1:20 - Indagano Inyaaya mu-Chijita

²⁰ Enirindirira kwa obhwira bhunene na okwiyikanya ati, nitariiswasibhwa ku‑njira yooneyoone irya. Woori rwa kutyo jaariga jiri siku joone, nirigenderera okubha na ribhaasi nene korereki Kirisito akusibhwe ku‑joone jinu enikora, nibhe niri muwanga amwi niniitwa.

INDAGANO INYA:YA

²⁰ Rwa kutyo enirindirira niniikanya ati nisige kujira nswaro mu musango gwone, nawe rwa siku jo:ne, ka na woryanu, Kristo arakusibwaga mu mubiri gwani mu buba:si bwone, nakabee ari mu buanga, nakabee ari mu kufwa.

Bafilipi 1:20 Iomraidhean Croise

Yowana 21:19

Yeesu ꞉aayikire kutyo okweresya ati ni rufu rwa mbaga ki runu Peetero arifwa, na kutyo ruriyaana Nyamuwanga rikusyo. Mbe, Yeesu ejire aamara okwayika ejo, ˆnaabhwira Peetero ati, “Nuunduubhe.”

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 6:13

Mwasiga okwikirisya ebhiwuga bhyonebhyone bhya emibhiri jeemwe bhikore emirimu inguru ya echibhiibhi rwa ebhikorero bhya obhujabhi, tari mwisoosye ku‑Nyamuwanga. Mwirore ati muri bhaanu bhanu bhasuuruuywe okusooka mu‑bhafuuwe, na okwingisibhwa mu‑bhuwanga obhuyaaya. Mwisoosye ku‑Nyamuwanga, na ebhiwuga bhyone bhya emibhiri jeemwe bhibhe nibhimukorera emirimu rwa ebhikorero bhya obhurengeresi.

Barumi 6:19

Naasimura na emwe ku‑chijekekanyo echo cha obhugaya, kwa okubha emwe mutari bhaangu okumenya chinu enaayika. Kara, mwariga nimusoosya ebhiwuga bhyone bhya emibhiri jeemwe okukora emisango emijabhi, mwariga muri bhagaya bha ebhibhiibhi, na ebhibhiibhi bhyemwe ꞉bhyeyongesiisye muno. Nawe woori, mubhe nimwisoosya ku‑Nyamuwanga ebhiwuga bhyone bhya emibhiri jeemwe, mubhe abhakosi bha emisango ja obhurengeresi, korereki mukorere emirimu Nyamuwanga kwa omwoyo gwone.

Barumi 8:19

Ebhiinu bhyone bhinu ꞉bhyabhumbirwe, ebhirindirira kwa obhwiro bhwafu omwanya gunu Nyamuwanga ariswerura abhaana bhaaye.

Barumi 9:33

rwa kutyo Nyamuwanga ꞉aayikire mu‑Bhikaame Ebhyeru ati, “Ringira, niteeye‑wo ribhuyi mu‑Sayuuni. Ribhuyi eryo ni rya okwikuujura‑ko, ni rutare rwa okugwisya abhaanu. Nawe omuunu woonewoone unu ariikirisya unu ari ribhuyi eryo, atariiswasibhwa wuri!”

1 Bakorinto 15:31

Abhayiri bhaani mu‑riikirisya, bhuri rusuku anye niri mu‑ngʼanga ya okufwa. Omusango gunu ni gwa chimari, rwa kutyo ni chimari ati eniikuuya inguru yeemwe kwa okubha muri na obhumwi na Kirisito Yeesu Raatabhugenyi weeswe.

1 Bakorinto 6:20

kwa okubha ꞉mwagurirwe kwa obhugusi obhurambu. Kutyo mukusyega Nyamuwanga mu‑mibhiri jeemwe.

1 Bakorinto 7:34

obhwiganirisya bhwaye bhuribha mbaara ebhiri. Wone omugasi unu atari na omurume, noorwo omuyarakaji kaafurubhendera emirimu ja Raatabhugenyi korereki eesoosye omubhiri na omwoyo ku‑Raatabhugenyi. Nawe omugasi unu atwawe, kaanyaakiririra emisango ja obhurame bhunu, keeganirisya kutyo arikondisya omurume waaye.

2 Bakorinto 10:8

Noorwo kutyo eniikuuya muno inguru ya obhuturo bhunu Raatabhugenyi achiyaaye, nawe nitakurora swaro kwa okubha obhuturo obhwo bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 3:12

Mbe, kwa okubha obhwo nibhwo obhwiyikanyo bhweswe, echikora kwa ribhaasi.

2 Bakorinto 4:10

Siku joone emibhiri jeeswe jiri mu‑ngʼanga ya okufwa rwa Yeesu, korereki obhuwanga bhwa Yeesu bhubhuurisibhwe ku‑mibhiri jeeswe.

2 Bakorinto 5:15

Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

Bafilipi 1:14

Aamwi na ejo, enimenya ati okubhoywa kwani kunu, kukorere abheekirisya abheejaasu bhaafu bhasimbiisiibhwe emyoyo na Raatabhugenyi Yeesu. Kurwa ejo, bhari na ribhaasi okuraasisya abhaanu abhandi omusango gwa Nyamuwanga, okuubhaya wuri.

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

1 Petero 4:16

Omuunu woonewoone akanyaaka kwa okubha ni muruubhirisya wa Kirisito, asige okurora jiswaro. Tari akuuye Nyamuwanga, kwa okubha omuunu oyo, kaabhirikirwa kw‑isiina rya Kirisito.

1 Yoana 2:28

Woori, abhaana bhaani mu‑riikirisya, mugenderere okubha na obhumwi na Kirisito, korereki omwanya gunu arisubha rindi, chisige okuubhaya na okwiswara, tari chibhe na ribhaasi.