Bafilipi 1:10 - Indagano Inyaaya mu-Chijita

¹⁰ korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

INDAGANO INYA:YA

¹⁰ Korereki mwikirisye ebyo bwana, mube ba:nu ba cimari, banu batana cikayo kukinga ku rusiku rwa Kristo.

Bafilipi 1:10 Iomraidhean Croise

Matayo 16:23

Nawe Yeesu, ˆneekebhuukira, ˆnaabhwira Peetero ati, “Sooka anu Syetaani! Owuregeeja okunyingirira okukora jinu Nyamuwanga keenda! Awe utakwiganirisya jinu jiri ja Nyamuwanga, tari wiganirisya jinu jiri ja abhaanu.”

Matayo 26:33

Niwo Peetero ˆnaabhwira Yeesu ati, “Noorwo araabha abheejaasu bhoone bharikusiga, anye nitarikusiga wuri!”

Yowana 1:47

Yeesu ejire aarora Natanayeri ˆnaamuujaga‑ko, ˆnaayika ati, “Ringira, oyo niwe Omuyisirayeeri wa echimari, unu atari‑mo bhurigerige bhwonebhwone.”

Yowana 3:20

Abhaanu bhoone bhanu abhakora ebhikorwa ebhijabhi, abhabhiyiririrwa obhweru obhwo. Bhatakwenda okuuja mu‑bhweru, korereki ebhikorwa bhyebhwe ebhijabhi bhyasiga okutuurwa abhweru.

Ebikorwa 24:16

Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Barumi 12:9

Mwende abheejaanyu kwa omutima omweru. Musige chimwi okukora obhujabhi, tari mukorega ja ekisi omwanya gwone.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

Barumi 2:18

Owirora ati owumenya emisango jinu Nyamuwanga keenda ukore, na owusombookerwa jinu jiri ja ekisi, kwa okubha owiyigisiibhwaga ebhiraagiro bhya Muusa.

Barumi 7:16

Araabha enikora emisango jinu nitakwenda, ogwo ogweresya ati, eniikirisya ati ebhiraagiro ni bhya ekisi.

Barumi 7:22

Ebhiraagiro bhya Nyamuwanga, enibhyenda kwa omwoyo gwani.

Barumi 8:7

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abho ni bhasoko bha Nyamuwanga. Bhatakugayuka echiraagiro chaaye, ka wone bhatakutura okuchigayuka.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

1 Bakorinto 10:32

Mwasiga okubha echiikuujuro ku‑Bhayawudi, ku‑bhaanu bhanu bhatari Bhayawudi, noorwo mw‑ikanisa rya Nyamuwanga.

1 Bakorinto 8:13

Kurwa ejo, araabha ebhiryo bhinu enirya, ebhiyabhya omwikirisya oweejaasu, nitarirya rindi inyama noorwo na akatyari, korereki naasiga okureterera omwikirisya oweejaasu akore echibhiibhi.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 6:3

Chitakukorera omuunu woonewoone omusango gwonegwone gunu ogumureterera okwikuujura, korereki obhukosi bhweswe bhwasiga okwayikwa kubhiibhi.

2 Bakorinto 8:8

Nitakwayika ejo korereki nibharagirire, tari eneenda okurora araabha eryenda ryemwe ni rya echimari, kwa okweresya kutyo abhandi abheekomeesya okusakira.

Bagalatia 5:11

Abhayiri bhaani, abhaanu abhandi abhaayika ati, anye nichaaraasya ati abharume bhoone abhakenwa bhatendwe. Araabha jikabheeye echimari ati nichaaraasya kutyo, ni kurwa ki woori Abhayawudi abhannyaasya? Araabha naakabheeye nindaasya kutyo, okuraasya kwani inguru ya emisango ja omusarabha gwa Yeesu, jitaakaretereeye Abhayawudi bhaansoke.

Baefeso 4:15

Nawe, chibhwiranega na okukora echimari mu‑ryenda, echikura mu‑bhuri musango na okubha rwa Kirisito unu ari omutwe.

Baefeso 5:10

Muregeejega okwiyigira emisango jinu ejikondesya Raatabhugenyi.

Baefeso 5:27

Isonga iri ati, eebhonere rikanisa erya rikusyo, rinu ritari‑ko esoro, noorwo ifunyo amwi echiinu choonechoone chinu echisusana rwa ebhyo. Tari ribhe ryeru rinyamburwa obhujabhi bhwonebhwone.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Bafilipi 1:16

Abhajiraasya bhari na eryenda kw‑anye, kwa okubha bhamenyere kisi ati niyaaywe omurimu gwa okubhagira Emisango ja Ekisi anu.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 5:21

tari, muregeeje emisango joone ja obhuragi, nawe mugwate‑mo ja ekisi

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.