Bafilipi 1:1 - Indagano Inyaaya mu-Chijita

¹ Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

INDAGANO INYA:YA

¹ Anye Paulo, aamwi na Timoteo, banu ciri bagaya ba Yesu Kristo, ecandikira abe:ru bo:ne mu Yesu Kristo banu bari mu Filipi, aamwi na bakaruka ba ikanisa na bafurubendi.

Bafilipi 1:1 Iomraidhean Croise

Mariko 13:34

“Okuuja kwani okususanyibhwa na omuunu unu ꞉eendere okuja orugendo. ˆNaasigira abhakosi bhaaye inju yaaye korereki bhayangarire. ˆNaagabhira bhoone emirimu ja okukora. ˆNaaragirira omuriisi wa orwigi ati, atengeeje.”

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Ebikorwa 1:20

Mbe, Peetero ˆnaagenderera okwayika ati, “Emisango ejo ejimenyekana mu‑chitabho cha Ijabhuri ati, ‘Inju yaaye ribhe etongo, aasiga okubha‑wo omuunu unu arisigara omwo.’ “Ka wone, ikaamirwe ati, ‘Omurimu gwaye gwa okutangasya, ayaanwe omuunu owundi.’

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 9:13

Nawe Ananiiya ˆnaayika ati, “Raatabhugenyi, abhaanu bhaafu bhaambwira kutyo Saawuri oyo ꞉aakoreeye abheeru bhaawo amabhiibhi Yerusareemu eyo!

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

1 Bakorinto 16:10

Timoteewo akabhaaja‑ko eyo, mumuramire bhwa kisi, korereki eekare kuyaya wuri, kwa okubha omwene kaakora emirimu ja Raatabhugenyi rwa anye.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Baefeso 1:15

Nikwo kutyo anye wone, okusookerera omwanya gunu ꞉noonguuwe eriikirisya rinu muri naryo ku‑Raatabhugenyi Yeesu na eryenda rinu muri naryo ku‑bheeru bhoone,

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Bafilipi 2:19

Raatabhugenyi Yeesu aakeenda, eniiyikanya okutuma Timoteewo bhwangu kw‑imwe, korereki omwanya gunu arisubha, anye wone nifungʼamibhwe akantondera emisango jeemwe.

Bafilipi 2:5

Obhukarariiye bhwemwe bhubhe bhuryabhurya bhunu aariga ari nabhwo Kirisito Yeesu.

Bafilipi 3:12

Anye nitakwayika ati naakingiiye ejo joone, amwi ati naakumisibhwe, wuri, tari enigenderera okwikomeesya korereki nijibhone ejo. Ejo nijo Kirisito Yeesu ꞉aambirikiriiye nijibhone.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

1 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata Nyamuwanga na Raatabhugenyi Yeesu Kirisito. Obhwitiriranya na omurembe bhibhe aamwi na emwe.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

2 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata weeswe Nyamuwanga na Raatabhugenyi Yeesu Kirisito.

2 Batesalonika 1:10

Indamu eyo, irikorekana orusuku runu Raatabhugenyi ariija. Ariija korereki abheeru bhaaye bhoone bhanu bhamwikirisiisye, bhamukusye na okumuyaana echibharo. Emwe wone muribha agati yeebhwe, kwa okubha mwikirisiisye emisango jinu ꞉chaabhabhwiriiye.

1 Timoteo 1:2

Enikukaamira awe Timoteewo, omwana waani wa echimari mu‑riikirisya. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

1 Timoteo 3:8

Abhasakisi bha rikanisa wone, bhabhe na jitungwa ja ekisi, bhasige okubha abhabheeyi, bhasige okubha abhakorwa, bhasige okubha na inamba imbiibhi ya okubhona jipirya.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

Filemoni 1:1

Inyarubha inu, niikaamire anye Pawuro, omubhoywa inguru ya okuraasya Emisango ja Ekisi inguru ya Kirisito Yeesu. Enikaamira awe Firemooni. Anye na omuyiri weeswe Timoteewo, echikukeesya awe omwendwa weeswe, omukosi weejaasu.

Baeburania 13:23

Eneenda mumenye ati omuyiri weeswe mu‑riikirisya Timoteewo eeguriiywe okusooka mw‑ibhoyero. Araabha akaaja anu bhwangu, niriija nage kw‑imwe eyo okubhagosorera.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

1 Petero 2:25

Okubha mwariga muri rwa jinaama jinu jibhurire, nawe woori, mwasubhire ku‑Mureefi na ku‑Mwangarisi wa emyoyo jeemwe.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 1:20

꞉Waarorere jinjota etaanu na ebhiri mu‑kubhoko kwani kwa ebhuryo. ꞉Waarorere wone emitereko etaanu na ebhiri ja inaaryo ja okutuura‑ko jidara. Siga nikwiyigisye obhugajuro bhwa jimbisike ejo. Emitereko jirya ni amakanisa garya agataanu na gabhiri, jinjota jirya etaanu na ebhiri ni bhamaraayika bha amakanisa ago.”

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Obhusweruro 2:12

“Ukaamire maraayika wa mw‑ikanisa rya Perigaamo kutya, Niri na imbanda eya amoogi gabhiri. Mutegeresye jinu enibhabhwira!

Obhusweruro 2:8

“Ukaamire maraayika wa mw‑ikanisa rya Simuriina kutya, Anye niri wa okwamba na owa obhuteero. ꞉Naafuuwe, ninsuuruka! Mutegeresye jinu enibhabhwira!

Obhusweruro 22:9

Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abharagi bhanu bhari abhayiri bheejaanyu mu‑riikirisya na bhoone bhanu abhagayuka emisango ja echitabho chinu. Ramya Nyamuwanga omwene era!”