Baefeso 6:9 - Indagano Inyaaya mu-Chijita

⁹ Emwe abhaami wone, mukorerega abhagaya bheemwe kutyokutyo. Mwasiga okubhakanga, okubha mumenyere ati, emwe na abheene muri na Raatabhugenyi umwi era mu‑rwire. Omwene oyo, atari na isoroore ku‑bhaanu.

INDAGANO INYA:YA

⁹ Nemwe be:sebugenyi, mubakorerega kutiyo, mutaja kubakanga, okuba mumenyere ati, emwe bo:ne muri na Esobugenyi mu rwire, unu atakusoro:ra mu ba:nu.

Baefeso 6:9 Iomraidhean Croise

Matayo 22:10

Abhakosi abho, nibhagenda nibheemereeguru ku‑njira eyo, nibhasubha bhakofiifye abhaanu bhoone bhanu bhaabhuganaga nabho, bhabhe abhajabhi amwi bha ekisi. Niwo abhagenyi nibheengira mu‑rubhuga rwa obhuregesi okukingira nirwijura.

Matayo 22:8

“Niwo omukama oyo, ˆnaabhwira abhakosi bhaaye ati, ‘Obhuregesi bhwimaririiye, nawe bhanu ꞉bhaakokerwe, bhaariga bhateeyire okuuja.

Matayo 24:48

“Nawe omugaya omubhiibhi ni urya keeganirisya mu‑mwoyo gwaye ati, ‘Mwami waani arikoora okusubha.’

Matayo 24:51

Niwo omwami waaye arimuyaana jimbuma muno na okumwesa anu abheerimaanya bhari. Omwo nimwo abhaanu bhaririraga na okuguguna ameeno.”

Matayo 7:12

“Mbe emwe, mukorerega abhaanu abhandi rwa kutyo omwenda abheene wone bhabhakorere. Obhwo nibhwo obhugajuro bhwa ebhiraagiro bhya Muusa na ameeyigisyo ga abharagi.

Ruuka 6:31

Mukorerega abhaanu abhandi rwa kutyo emwe wone omwenda bhabhakorerega.

Yowana 13:13

Emwe omumbirikira ati, ‘Omwiyigisya,’ ka wone omumbirikira ati, ‘Raatabhugenyi.’ Omukora kisi okumbirikira kutyo, kwa okubha nikwo kutyo niri.

Ebikorwa 10:34

Niwo Peetero ˆnaamba okwayika ati, “Woori niwo naamenya ati ni chimari, Nyamuwanga atari na isoroore mu‑bhaanu!

Barumi 2:11

Nyamuwanga atakusoroora omuunu woonewoone.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

1 Bakorinto 7:22

Naayika ati ogwo gwasiga okukunyaasya, kwa okubha omuunu unu aariga ari mugaya omwanya gunu ꞉aabhirikiiywe na Raatabhugenyi, oyo ni mwitaage ku‑Raatabhugenyi. Ka unu aariga ari mwitaage omwanya gunu ꞉aabhirikiiywe, oyo ni mugaya wa Kirisito.

Bakolosai 3:25

Nawe omuunu woonewoone unu kaakora ebhibhiibhi ariramurwa okuruubhana na ebhibhiibhi bhyaye, kwa okubha Raatabhugenyi atari na isoroore.

Bakolosai 4:1

Emwe abhaami, mukoreraga abhagaya bheemwe mu‑bhurengeresi rwa kutyo jiiyire bhakorerwe. Mwichuke ati emwe wone muri na omwami weemwe mu‑rwire, niwe Raatabhugenyi.

Yakobo 2:13

Nyamuwanga ataribha na echigongo ku‑unu atari na echigongo ku‑bhandi. Nawe Nyamuwanga arifwira echigongo abha echigongo orusuku runu ariramura.

Yakobo 2:8

Mu‑Bhikaame Ebhyeru, echiraagiro cha obhukama bhwa Nyamuwanga chikaamirwe ati, “Wendega oweejaanyu rwa kutyo owiyenda omwene.” Mukabha nimukora kutyo, omukora kisi.

Yakobo 5:4

Mutegeresye kutyo abhakosi bheemwe abhabhajujuumira! Okubha ꞉bhaakorere emirimu mu‑masambu geemwe, nawe emwe ꞉mutabhariyire emiyeero jeebhwe. Abhagesi bhanu ꞉bhaakorere emirimu ja okugesa mu‑masambu geemwe, wone abhabhajujuumira na echiriro cheebhwe cheengiiye mu‑matwi ga Raatabhugenyi wa ebhise bhya abhasirikare bha mu‑rwire.