Baefeso 6:12 - Indagano Inyaaya mu-Chijita

¹² Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

INDAGANO INYA:YA

¹² Okuba okurwana kweswe citakurwana na mubiri na manyinga, nawe ecirwana na bakuru na bo buinga na batungi be cisu:te ca magoro ganu, ne bise bye myoyo jo bubi:bi mu mbara ja mu rwire.

Baefeso 6:12 Iomraidhean Croise

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Mariko 4:19

nawe, abhajigwa muno na obhwiganirisya bhwa obhurame bhwa ku‑chaaro anu na okubhona ribhona ryafu na okurigira ebhiinu ebhindi. Ejo ejiyiganya omusango gwa Nyamuwanga, nigutaamibhwa okutwasya amatwasyo mu‑bhurame bhwebhwe.

Ruuka 13:24

“Emwe, mwikomeesye okutura mw‑irango rifunde mwingire. Enibhabhwira ati, abhaanu bhaafu bhariregeeja okwingira, nawe bharitaamibhwa.

Ruuka 22:53

Mbawo siku joone naasiibhaga aamwi na emwe mw‑Iyekaru rya Nyamuwanga, nawe ꞉mutaangwatire? Nawe woori, gunu nigwo omwanya gwemwe, na ogwa obhutungi bhwa echisuute.”

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 16:11

Aribhaga ˆnaabheeresya ati Nyamuwanga aribharamura, kwa okubha aaramuuye Syetaani omukuru wa echaaro chinu.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 8:38

Enimenya chimari ati chitari‑wo echiinu chinu echitura okuchitaaganya na eryenda rya Nyamuwanga. Nyamuwanga arigenderera okucheenda, chibhe chiri bhaanga amwi chifuuwe. Noorwo bhamaraayika, amwi abhatungi, amwi ebhibhumbwa bhya amanaga bhitakutura okuchitaaganya na eryenda ryaye. Noorwo emisango jinu ejikorekana ku‑mwanya gunu amwi ku‑mwanya gwa imbere, amwi choonechoone chinu chiri mu‑rwire amwi mu‑nyombe, amwi choonechoone ku‑chaaro anu, chitari‑wo echiinu chinu echitura okuchitaaganya na eryenda rya Nyamuwanga. Eryenda eryo arisweruuye kw‑iswe okutura ku‑Kirisito Yeesu, Raatabhugenyi weeswe.

1 Bakorinto 15:50

Abhayiri bhaani mu‑riikirisya, chinu eneenda okwayika ni ati, emibhiri jeeswe jinu ja jinyama na isagama bhitakutura okwanjura obhukama bhwa Nyamuwanga, amwi emibhiri jinu ejinyamuka okwanjura obhurame bhunu bhutakunyamuka.

2 Bakorinto 11:14

Omusango ogwo, gutari gwa okuruguusya, kwa okubha noorwo Syetaani omwene, keekora wuti ni maraayika wa obhweru.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Baefeso 1:21

꞉Aamwinamusiisye inguru muno okukira obhutungi bhwone, obhuturo bhwone, amanaga goone, obhukuru bhwone na risiina ryoneryone rinu eritogorwa, itari mu‑chaaro chinu era, tari wone mu‑chaaro chinu chiriija.

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

Bakolosai 2:15

Ku‑njira ya omusarabha, Nyamuwanga ˆnaateesya obhutungi na abha obhuturo mu‑chaaro chinyatarorwa, ˆnaabhayiga kwa risandabha, ˆnaabhaswasya abhwerubhweru.

2 Timoteo 2:5

Noorwo omubhirimi woonewoone atakutura okuyaanwa echiyaanwa cha obhuyigi, akabha ataruubhire amaragiriro ga obhwenywa bhwa okubhirima.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Baeburania 12:4

Omwikomeesya okuyiga ebhibhiibhi, nawe muchaari okurwana na ebhibhiibhi okukingira okwitwa.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.