Baefeso 5:9 - Indagano Inyaaya mu-Chijita

⁹ kwa okubha ritwasyo rya obhweru obhwo ni tungwa joone ja ekisi, obhurengeresi na echimari.

INDAGANO INYA:YA

⁹ Okuba amatwasyo go bweru gari mu bufura bwone no burenge:resi no kumasya.

Baefeso 5:9 Iomraidhean Croise

Matayo 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga.

Yowana 1:47

Yeesu ejire aarora Natanayeri ˆnaamuujaga‑ko, ˆnaayika ati, “Ringira, oyo niwe Omuyisirayeeri wa echimari, unu atari‑mo bhurigerige bhwonebhwone.”

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

Baefeso 4:15

Nawe, chibhwiranega na okukora echimari mu‑ryenda, echikura mu‑bhuri musango na okubha rwa Kirisito unu ari omutwe.

Baefeso 4:25

Mbe, musige chimwi okubhwirana orubheeyi, mubhwiranega echimari bhuri muunu na oweejaabho, okubha bhuri owumwi weeswe ni chiwuga ku‑weejaabho.

Baefeso 6:14

Mbe, mwimereeguru mwibhoyere echimari rwa rikebhete mu‑bhibhunu na okufwara obhurengeresi rwa ingubha ya echuuma ku‑bhifubha,

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bakolosai 3:18

Emwe abhagasi, mugayukega abharume bheemwe, rwa kutyo jikenerwe ku‑bhaanu bhanu abheekirisya Raatabhugenyi Yeesu.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

Baeburania 1:8

Nawe inguru ya Omwana waaye ꞉aayikire ati, “Awe Nyamuwanga uritunga akajaanende na akajaanende, na obhutungi bhwawo bhuribha bhwa obhurengeresi.

Baeburania 11:33

Okuruubhana na eriikirisya ryebhwe, abhaanu abho ꞉bhaarwanire riremo na abhakama bha ebhyaro ebhindi, nibhayiga. ꞉Bhaakorere emisango ja obhurengeresi na okuramira jinu Nyamuwanga ꞉aaragire. Bhaariga bhari na obhuturo bhwa okubhumbatanya eminwa ja jiitare.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.