Baefeso 5:8 - Indagano Inyaaya mu-Chijita

⁸ Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

INDAGANO INYA:YA

⁸ Okuba mwariga cisu:te kara, nawe woryanu muri bweru mu Ratabugenyi. Mbe muribatega rwa ba:na bo bweru,

Baefeso 5:8 Iomraidhean Croise

Matayo 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga.

Matayo 4:16

Abhaanu bhanu bheekaaye mu‑chisuute, bhaarora obhweru bhwafu, na bhanu bheekaaye mw‑irengesi rya orufu, bhaamurikirwa obhweru.”

Ruuka 1:79

ka wone bhumurikire abhaanu bhoone bhanu bheekaaye mu‑chisuute, na mw‑irengesi rya orufu. Arichitangasya okutura ku‑njira ya omurembe.”

Ruuka 16:8

“Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.

Yowana 1:9

Obhweru bhwa echimari obhwo, bhunu obhumirikira bhuri muunu, bhwariga nibhuuja ku‑chaaro kunu.

Yowana 12:35

Yeesu ˆnaabhabhwira ati, “Obhweru bhuchaari aamwi na emwe kwa omwanya mufuyi era. Mugenderere okuribhata mu‑bhweru bhunu omwanya gunu bhuchaari‑wo, korereki echisuute chaasiga okubhayiga, kwa okubha omuunu unu kaaribhata mu‑chisuute, atakumenya anu kaagenda.

Yowana 12:36

Omwanya gunu muri na obhweru, mwikirisye obhweru obhwo, korereki mubhe abhaana bha obhweru.” Yeesu ejire aamara okwayika emisango ejo, ˆnaasiga echise echo, ˆnaagenda okwiyibhisa.

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 1:21

Abhamenya kutyo Nyamuwanga ari, nawe bhatakumukuuya noorwo okumusiima rwa kutyo eeyire. Nibhabha na obhwiganirisya obhubhiibhi, na obhwenge bhwebhwe nibhubha‑mo echisuute kata.

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Barumi 2:19

Owirora ati owukenwa okutangasya abhaanu bhanu bhatari Bhayawudi, rwa omuunu unu kaatangasya abhawofu, amwi rwa idara inu eyimirikira abhaanu bhanu bhari mu‑chisuute.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

2 Bakorinto 6:14

Mwasiga okusangira aamwi na abhaanu bhanu bhatari bheekirisya. Angu, obhurengeresi na obhujabhi, chimari ebhitura okuungwana? Obhweru na echisuute, ebhitura okusaasikana aamwi?

Bagalatia 5:25

Mwoyo Mweru achiyaaye obhuwanga obhuyaaya, mbe chiruubhe obhutangasya bhwaye.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.