Baefeso 5:2 - Indagano Inyaaya mu-Chijita

² Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

INDAGANO INYA:YA

² Muribatega mu kwenda, rwa Kristo kutyo abendere emwe, ne:tegayo kurweswe naba ciyanwa ne co:go ku Nyamuanga, okuba ruunyo runu oruunya kisi.

Baefeso 5:2 Iomraidhean Croise

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Yowana 13:34

Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Barumi 4:25

Nyamuwanga ꞉aasoosiisye Yeesu, korereki afwe inguru ya ebhibhiibhi bhyeswe, ˆnaamusuurura okusooka mu‑bhafuuwe, korereki eswe chibharwe okubha abharengeresi imbere yaaye.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Barumi 8:37

Nawe noorwo araabha ejo joone ejichiija‑ko, eswe echigenderera okuyiga, kwa okubha Kirisito acheendere.

1 Bakorinto 16:14

Emisango jeemwe joone mujikorega mu‑ryenda.

1 Bakorinto 5:7

Kutyo mwiyesyega, ku‑njira ya okusoosya omuunu omujabhi oyo agati yeemwe, rwa okusoosya‑wo echifwimbya cha kara. Awo niwo muribha abhaanu abhayaaya, rwa echirengo echiyaaya chinu chitari na echifwimbya. Nikwo kutyo mwamarire okubha, kwa okubha Kirisito, omwana wa inaama weeswe wa Okwambuka, aamarire okusoosibhwa okubha echoogo korereki achichungure.

2 Bakorinto 2:14

Nawe echisiima Nyamuwanga, kwa okubha kaachitangasya omwanya gwone ku‑muroobho gwa okusandabhira obhuyigi bhwa Kirisito. Ka wone kaachikora chiraasye obhumenyi bhwa emisango inguru ya Kirisito bhuri rubhaara, rwa orurango rwa ekisi kutyo oruswirana mbaara joone.

2 Bakorinto 2:15

Nikwo kutyo jiri, kwa okubha eswe, chiri rwa orurango rwa ekisi runu Kirisito kaasoosisya Nyamuwanga. Orurango orwo, rurikingira abhaanu bhoone, bhanu abhachungurwa na bhanu abhabhura.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 3:17

korereki Kirisito akore obhwikaro bhwaye mu‑myoyo jeemwe ku‑njira ya eriikirisya. Enimusabhwa wone, abhasakire korereki murumatane ndi mu‑ryenda ryaye. Kutyo, eryenda ryaye riribha rwa risina na orufuka rwa obhurame bhwemwe,

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Baefeso 4:15

Nawe, chibhwiranega na okukora echimari mu‑ryenda, echikura mu‑bhuri musango na okubha rwa Kirisito unu ari omutwe.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Baefeso 5:15

Mbe, mukabhuke muno inguru ya kutyo muramire. Musige okurama rwa abhaanu bhanu bhatari na obhwengeeso, tari murame rwa abhaanu bhanu bhari na obhwengeeso.

Baefeso 5:25

Emwe abharume, mwendega abhagasi bheemwe, rwa kutyo Kirisito wone ꞉eendere rikanisa, ˆnaasoosya obhuwanga bhwaye inguru yaaryo.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 8:3

Bhuri mugabhisi omukuru kaakorwa okubha omugabhisi korereki asoosisye Nyamuwanga echiyaanwa na echoogo. Nyabhuriko Omugabhisi Omukuru weeswe oyo, eenderwe wone abhe na echiinu cha okusoosisya Nyamuwanga.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 9:23

Riyeema rya okuramirisya‑mo Nyamuwanga na ebhiinu bhyone bhinu abhagabhisi bhaariga nibhakorera emirimu okusoosya echoogo, bhyariga bhiri bhijekekanyo bhya ebhiinu bhinu bhiri mu‑rwire eyo. Riyeema na ebhiinu ebhyo bhyariga nibhyesibhwa ku‑njira ya orwamba rwa jityanyi, nawe ebhiinu bhya mu‑rwire bhyenderwe okwesibhwa kwa echoogo chinu chiri cha ekisi okukira orwamba orwo rwa jityanyi.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

1 Yoana 3:16

Mbe, Kirisito ejire aachifwira ꞉aacheeresiisye kutyo eryenda rya echimari riri. Eswe wone kutyokutyo, echikenwa chiikirisye noorwo okufwira abheejaasu.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.