Baefeso 5:15 - Indagano Inyaaya mu-Chijita

¹⁵ Mbe, mukabhuke muno inguru ya kutyo muramire. Musige okurama rwa abhaanu bhanu bhatari na obhwengeeso, tari murame rwa abhaanu bhanu bhari na obhwengeeso.

INDAGANO INYA:YA

¹⁵ Mbe mukabuke muno kutyo omuribata, tari rwa banu batana bwenge, nawe rwa bo bwenge.

Baefeso 5:15 Iomraidhean Croise

Matayo 10:16

“Mutegeresye, enibhatuma rwa jinaama agati ya emisege. Mbe, mubhega na obhwenge rwa jinjoka, na mubhega abhoorooro rwa ebhiguuti.

Matayo 25:2

Bhataanu mw‑ikumi abho, bhaariga bhari bhataamutaamu nawe abhandi bhaariga bhari abha obhwengeeso.

Matayo 27:24

Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!”

Matayo 27:4

Nawe abheene nibhaayika ati, “Ejo jitakuchisaasa, naawe omwene eyo.”

Matayo 8:4

Neeya Yeesu, ˆnaamubhwira ati, “Waasiga okubhwira omuunu woonewoone inguru ya omusango gunu! Tari nuugende ku‑mugabhisi akurore, usoosye echoogo rwa kutyo ebhiraagiro bhya Muusa ꞉bhyaragiriiye, korereki bhubhe obhubhambaasi ku‑bhaanu ati, weesibhwa.”

Ruuka 24:25

Yeesu ˆnaabhabhwira ati, “Abhataamutaamu emwe! Kurwa ki emyoyo jeemwe ni mikomeeye okwikirisya emisango jinu ꞉jaayikirwe na abharagi?

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Bagalatia 3:3

Ni kurwa ki muri bhataamutaamu kutyo? Emwe ꞉mwaambire emisango joone ku‑managa ga Mwoyo Mweru, ni kurwa ki woori omwenda okujikuumisya ku‑managa geemwe?

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bakolosai 1:9

Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

Bakolosai 4:5

Mubhe na obhwengeeso mu‑bhungwani bhwemwe na abhaanu bhanu bhachaari okwikirisya Yeesu. Bhuri mwanya, mukorega ja ekisi.

1 Batesalonika 5:15

Mwangarire, omuunu woonewoone aasiga okusubhya orusiima ku‑weejaabho. Tari bhuri rusuku mwikomeesye okukoreraniraga ja ekisi, emwe abheene kwa abheene. Mukore kutyo ku‑bhaanu bhoone.

1 Timoteo 6:9

Nawe abhaanu bhanu bhari na obhurigire bhwa obhuniibhi, abhagwa mu‑maregeejo, nibhakomwa mu‑tuura na mu‑namba nyafu ja obhutaamutaamu. Obhurigire obhwo obhubhanyamura okukingira bhasingaarisibhwe.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Yakobo 3:13

Niga mw‑imwe unu ari na obhwengeeso na okusombookerwa? Mbe, eeresye obhwengeeso bhwaye na okusombookerwa kwaye mu‑kukora ebhikorwa bhya ekisi, mu‑bhworooro bhunu obhusooka mu‑bhwengeeso.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”