Baefeso 4:9 - Indagano Inyaaya mu-Chijita

⁹ Mbe, omusango ogwo ati, “꞉Aariinyire inguru,” obhugajuro bhwagwo niki? Nikwo okwayika ati, omwene wone ꞉eekire emwaro muno ku‑chaaro anu.

INDAGANO INYA:YA

⁹ ?Nawe omusango ogwo ati, Arinyire, niki tari okwaika ati, e:kire mu mbara jemwaro eja i:si?

Baefeso 4:9 Iomraidhean Croise

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Yowana 3:13

Atari‑wo omuunu woonewoone unu arajiiye mu‑rwire. Nawe anye Omwana wa Omuunu, naanye ꞉neejire okusooka mu‑rwire.

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Yowana 6:38

Anye ꞉niteejire okusooka mu‑rwire korereki nibhe ninkora jinu eneenda anye, tari korereki nibhe ninkora jinu keenda Raata unu ꞉aantumire.

Yowana 6:41

Mbe, Abhayawudi bheenda‑wo, nibhaamba okutongʼanira Yeesu, kwa okubha ꞉eeyayikire ati, “Anye naanye ebhiryo bhinu bhiikire okusooka mu‑rwire.”

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Yowana 6:58

Mbe, anye naanye ebhiryo bhinu bhiikire okusooka mu‑rwire. Ebhiryo ebhyo bhitakususana na ebhiryo bhinu bhasaaja weemwe ꞉bhaariiye. Abheene ꞉bhaafuuwe. Nawe omuunu woonewoone unu kaarya ebhiryo bhinu, aribha na obhuwanga bhwa akajaanende koone.”

Yowana 6:62

Woori, jiribha kutiki aribha mwandora anye Omwana wa Omuunu, nindiinya okugenda mu‑rwire anu naariga niri ku‑bhwambiro?

Yowana 8:14

Yeesu ˆnaabhasubhya ati, “Noorwo araabha eniisoosisya obhubhambaasi omwene, obhubhambaasi bhwani ni bhwa echimari. Anye nimenyere enu nisookere, ka wone nimenyere enu enija. Nawe emwe mutakumenya enu nisookere noorwo enu enija.

Baeburania 2:7

꞉Waakorere omuunu okubha omutooto okukira bhamaraayika ku‑mwanya mufuyi era. Nawe woori umuyaaye rikusyo na echibharo,

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.