Baefeso 4:6 - Indagano Inyaaya mu-Chijita

⁶ Ari‑wo Nyamuwanga umwi era. Omwene oyo, niwe Raata wa abhaanu bhaaye bhoone, niwe omutungi inguru ya bhyone, kaakora emirimu jaaye okutura ku‑bhoone na kaarama mu‑bhoone.

INDAGANO INYA:YA

⁶ Nyamuanga ni umwi, niwe Esemwene bo:ne, unu atungire byone, katura mu byone na ka ari mu byone.

Baefeso 4:6 Iomraidhean Croise

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Matayo 6:9

Kurwa ejo, emwe musabhwega Nyamuwanga nimwayika ati, ‘Raata weeswe unu uri mu‑rwire, risiina ryawo rikusibhwe. Obhukama bhwawo bhuuje.

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

1 Bakorinto 12:6

Ka wone echikora emirimu ja mbaga nyafunyafu, nawe Nyamuwanga unu kaayaana bhoone obhuturo bhwa okukora emirimu joone ni uryaurya.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

2 Bakorinto 6:16

Bhuri‑wo obhungwani ki agati ya riyekaru rya Nyamuwanga na amasusano ga amasambwa? Eswe chiri riyekaru rya Nyamuwanga omuwanga! Jiri rwa kutyo Nyamuwanga omwene ꞉aayikire ati, “Niriikara aamwi nabho na okuribhata agati yeebhwe. Niribhaga Nyamuwanga weebhwe, abheene wone bharibhaga abhaanu bhaani.”

Baefeso 1:21

꞉Aamwinamusiisye inguru muno okukira obhutungi bhwone, obhuturo bhwone, amanaga goone, obhukuru bhwone na risiina ryoneryone rinu eritogorwa, itari mu‑chaaro chinu era, tari wone mu‑chaaro chinu chiriija.

Baefeso 2:22

Kutyo, noorwo emwe aamwi na abhaanu abhandi bhoone, omumbakwa aamwi ku‑mwene, mubhe obhwikaro bhwa Nyamuwanga ku‑njira ya Mwoyo waaye.

Baefeso 3:17

korereki Kirisito akore obhwikaro bhwaye mu‑myoyo jeemwe ku‑njira ya eriikirisya. Enimusabhwa wone, abhasakire korereki murumatane ndi mu‑ryenda ryaye. Kutyo, eryenda ryaye riribha rwa risina na orufuka rwa obhurame bhwemwe,

Baefeso 6:23

Omurembe gubhe neemwe, emwe abhayiri bheeswe, na eryenda aamwi na eriikirisya, okusooka ku‑Raata Nyamuwanga na ku‑Raatabhugenyi Yeesu Kirisito.

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.