Baefeso 4:5 - Indagano Inyaaya mu-Chijita

⁵ Ari‑wo Raatabhugenyi umwi era, eriikirisya ryeswe ni rimwi na obhubhatiijo bhweswe ni bhumwi.

INDAGANO INYA:YA

⁵ Ratabugenyi ni umwi, okwikirisya ni kumwi, okubatija ni kumwi.

Baefeso 4:5 Iomraidhean Croise

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Barumi 3:30

Ari‑wo Nyamuwanga umwi era, kurwa ejo iri‑wo injira imwi era ya okubhara abhaanu okubha abharengeresi imbere yaaye. Abhayawudi na abhaanu bhanu bhatari Bhayawudi, bhoone abheekirisibhwa na Nyamuwanga okubha abharengeresi kwa okwikirisya Yeesu era.

1 Bakorinto 1:13

Angu, Kirisito aawukeene‑mo? Angu, Pawuro niwe ꞉aafuuwe ku‑musarabha inguru yeemwe? Angu, ꞉mwabhatiijiibhwe kw‑isiina rya Pawuro?

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

1 Bakorinto 12:5

Ka wone bhuri‑wo obhukosi bhwa mbaga nyafunyafu, nawe Raatabhugenyi ni uryaurya.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baefeso 4:13

Obhukosi obhwo, bhurigenderera okukingira eswe bhoone, chigwatanyibhwe mu‑riikirisya ryeswe na okusombookerwa kisi Omwana wa Nyamuwanga. Niwo chirirumatana na chirikuumira na okubha rwa kutyo Kirisito ari.

Bafilipi 2:11

Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

Baeburania 6:6

Nawe woori, bhasigire okwikirisya Nyamuwanga. Jitakuturikana wuri okusubhya abhaanu abho, korereki bhate rindi ebhibhiibhi bhyebhwe ku‑Nyamuwanga. Ku‑njira ya okurema Omwana wa Nyamuwanga, abhamubhamba ku‑musarabha rwa kabhiri na okumuswasya abhwerubhweru.

Yakobo 2:18

Woori omuunu owundi akaayika ati, “Awe, wuri na eriikirisya na anye niri na ebhikorwa bhya ekisi.” Niwo nirimubhwira ati, “Nyeeresya eriikirisya ryawo, rinu ritari na ebhikorwa bhya ekisi. Anye wone nikweresye eriikirisya ryani ku‑njira ya ebhikorwa bhyani bhya ekisi.”

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.