Baefeso 4:2 - Indagano Inyaaya mu-Chijita

² Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

INDAGANO INYA:YA

² Muribatega mu bwikeya bwone, na mu bwororo, na mu kwigumirisya, nimwigumirisyanya no kwendana.

Baefeso 4:2 Iomraidhean Croise

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Mariko 9:19

Yeesu ˆnaayika ati, “Emwe muri rwibhuro runu rutari na eriikirisya, niribha na emwe okukingira rusuku ri? Niribheegumiirisya okukingira rusuku ri? Mureete omwana oyo anu.”

Ebikorwa 20:19

Naariga ninkorera Raatabhugenyi mu‑kwikeeya kwone, kwa amasiga na ku‑maregeejo ganu ꞉gaasookeene na inuku ya Abhayawudi.

Barumi 15:1

Mbe, eswe bhanu chirumateene mu‑riikirisya, chikenerwe chiigumiirisye abheejaasu bhanu bhachaari kurumatana mu‑riikirisya. Chibhasakire mu‑bhujorobhoke bhwebhwe, na chisige okukora emisango jinu ejichikondisya eswe era.

1 Bakorinto 13:7

Eryenda erikora eegumiirisye mu‑joone, abhe na eriikirisya omwanya gwone, abhe na obhwiyikanyo omwanya gwone, ka wone eekomeesyega mu‑joone.

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Bakolosai 1:11

Echisabhwa Nyamuwanga abhasakirega ku‑managa gaaye amaafu, korereki mubhe na obhuturo bhwa okwigumiirisya mu‑joone aamwi na okukondererwa.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

1 Petero 3:15

Ka wone, siku joone, mubhe mwimaririiye okusubhya omuunu woonewoone unu aribhabhuusya chinu omwiyikanya. Nawe mukore kutyo, mu‑bhworooro na echibharo.

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.