Baefeso 4:18 - Indagano Inyaaya mu-Chijita

¹⁸ Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

INDAGANO INYA:YA

¹⁸ Obwenge bwebwe nibuba cisu:te, ba:uriywe kura no buanga bwa Nyamuanga, kurwo butamenya bunu bubarimo kurwo bukome:e bwe myoyo jebwe.

Baefeso 4:18 Iomraidhean Croise

Matayo 13:15

Jiribha kutyo, kwa okubha emyoyo ja abhaanu bhanu jikomeeye, amatwi geebhwe gari na jisibhirira, ameeso geebhwe bhagawongeresiisye. Bhatakwenda ameeso geebhwe garore, noorwo amatwi geebhwe goongwe, amwi ati, emyoyo jeebhwe jisombookerwe, bhaasiga okunyindukira nimbachungura.’”

Mariko 3:5

Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

Yowana 12:40

“Naawofufya ameeso geebhwe, na okukora emyoyo jeebhwe okubha emikomeeye, korereki bhaasiga okurora kwa ameeso geebhwe, na bhaasiga okusombookerwa kwa emyoyo, bhaasiga okunyindukira nimbachungura.”

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 3:17

“Woori abhayiri bhaasu, joone jinu ꞉mwakoreeye Yeesu, emwe na abhakuru bheemwe, nimenyere ati, ꞉mwajikorere mutamenyere.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Barumi 11:7

Kurwa ejo, emisango jiri kutya. Abhayisirayeeri ꞉bhaayenjere injira ya okubha abharengeresi imbere ya Nyamuwanga, nawe ꞉bhataayibhwene. Ni bhanu era ꞉bhaasorerwe na Nyamuwanga, nibho ꞉bhaabhubhwene. Abhandi bhoone bhanu ꞉bhaasigaaye, Nyamuwanga ˆnaabhakora bhabhe na emyoyo emikomeeye.

Barumi 2:19

Owirora ati owukenwa okutangasya abhaanu bhanu bhatari Bhayawudi, rwa omuunu unu kaatangasya abhawofu, amwi rwa idara inu eyimirikira abhaanu bhanu bhari mu‑chisuute.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 2:8

Atari‑wo noorwo umwi mu‑bhatungi bha echaaro chinu unu ꞉aasombookeeywe obhwengeeso obhwo, kwa okubha bhakabheeye bhasombookeeywe, ꞉bhataakabhumiiriiye ku‑musarabha Raatabhugenyi wa okukuuyibhwa.

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Baefeso 2:12

Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

Bakolosai 1:21

Emwe wone ku‑mwanya gunu guturire mwariga muri kura na Nyamuwanga. Mwariga muri bhasoko bhaaye mu‑bhwiganirisya bhwemwe obhubhiibhi bhunu obhuretereraga jitungwa jeemwe jimbiibhi. Nawe woori, abhagwatanyiisye aamwi nage

1 Batesalonika 4:5

Musige okukururwa na okurigira okubhiibhi rwa abhanyamanga, kwa okubha abheene bhatakumenya Nyamuwanga.

Baeburania 5:2

Omugabhisi omukuru kaatura okufwira echigongo ebhibhiibhi bhya abhaanu abhandi bhinu bhaariga nibhakora okumenya wuri, kwa okubha omwene wone ni mukosi wa ebhibhiibhi.

Baeburania 9:7

Nawe omugabhisi omukuru eenyere niwe aariga ˆneekirisibhwa okwingira mu‑chisago cha kabhiri chirya, wone eengiraga rumwi era ku‑muguuga. Ka wone omwanya gunu aariga ˆneengira, eendwaga okubha na orwamba rwa ityanyi. Orwamba orwo nirwo rwariga ruri choogo ku‑Nyamuwanga inguru ya okufwirwa echigongo ebhibhiibhi bhya omugabhisi na ebhibhiibhi bhya abhaanu abhandi bhinu bhaariga nibhakora okumenya wuri.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

1 Yoana 2:11

Nawe omuunu unu kaasoka oweejaabho, ari mu‑chisuute. Kaaribhata mu‑chisuute, atakumenya anu kaaja, kwa okubha, ebhibhiibhi bhimukorere okubha rwa omuwofu.