Baefeso 4:12 - Indagano Inyaaya mu-Chijita

¹² ꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

INDAGANO INYA:YA

¹² Babeo kurwo kuku:misya abe:ru, na kurwo murimu gwo kufurubenda, na kurwo kumbaka omubiri gwa Kristo.

Baefeso 4:12 Iomraidhean Croise

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Ebikorwa 1:17

Ka wone, Yuuda aariga ari tumwa yeejaasu, ꞉aayaanirwe obhukosi bhunu aamwi na eswe.”

Ebikorwa 1:25

agege omugabho gwa obhukosi bhunu Yuuda ꞉aasigire, omwanya gunu ꞉aafuuwe na okugenda orubhaara runu rumwiyire.”

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Barumi 12:5

Nikwo kutyo eswe wone chiri. Eswe chiri bhaafu, nawe chaabha omubhiri gumwi mu‑kubha na obhumwi na Kirisito. Ku‑mubhiri gwaye, bhuri muunu ni chiwuga ku‑weejaabho.

Barumi 12:7

Omuunu unu ayaaywe echiyaanwa cha okukorera emirimu abheejaabho, abhakorere emirimu kisi. Omuunu unu ayaaywe echiyaanwa cha okwiyigisya, eeyigisye kisi.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Barumi 15:2

Bhuri umwi weeswe, eekomeesye okukora emisango ja okukondisya omwikirisya oweejaabho, korereki weejaasu oyo, abhone omuriiro na arumatane mu‑riikirisya.

Barumi 15:29

Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.

1 Bakorinto 12:27

Mbe, emwe bhoone muri mubhiri gwa Kirisito, na bhuri umwi weemwe ni chiwuga ku‑mubhiri ogwo.

1 Bakorinto 12:7

Mwoyo keeswerura ku‑bhuri muunu, korereki abhaanu bhoone bhabhone omuriiro.

1 Bakorinto 14:12

Nikwo kutyo jiri na kw‑imwe. Woori, kwa okubha omwenda muno okubha na ebhiyaanwa bhya Mwoyo Mweru, muyenje muno okubha na ebhiyaanwa bhinu ebhisakira abheekirisya abheejaanyu okukomeera mu‑riikirisya.

1 Bakorinto 14:14

Enaayika kutyo, kwa okubha nikasabhwa mu‑nyaayika ingenyi, omwoyo gwani nigwo ogubha nigusabhwa, nawe obhwenge bhwani bhutakubhona‑mo omuriiro gwonegwone.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

2 Bakorinto 13:9

Eswe echikonderwa kwa okubha chiri bhajorobhoke, nawe emwe muri na amanaga. Echisabhwa Nyamuwanga abhasakire mubhega mukuumiiye mu‑riikirisya.

2 Bakorinto 3:8

mbe woori, obhukosi bhwa Mwoyo Mweru bhutaribha na rikusyo okukira eryo?

2 Bakorinto 4:1

Mbe, kwa okubha Nyamuwanga achiyaaye obhukosi bhunu ku‑chigongo chaaye, chitakufwa omutima wuri.

2 Bakorinto 5:18

Ejo joone ejisooka ku‑Nyamuwanga. Achigwatanyiisye ku‑mwene ku‑njira ya Kirisito. Eswe achiyaaye emirimu ja okuraasya inguru ya obhugwatanyi obhwo.

2 Bakorinto 6:3

Chitakukorera omuunu woonewoone omusango gwonegwone gunu ogumureterera okwikuujura, korereki obhukosi bhweswe bhwasiga okwayikwa kubhiibhi.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Baefeso 1:23

Woori, rikanisa riri rwa omubhiri gwaye, riijuuye obhurame na amanaga gaaye. Omwene kaakuumisya joone ku‑bhuturo bhwaye.

Baefeso 4:16

Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

Baefeso 4:29

Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

Baefeso 4:4

Guri‑wo omubhiri gumwi, ari‑wo Mwoyo Mweru umwi, rwa kutyo mwabhirikiiywe mubhe na obhwiyikanyo bhumwi bhunu Nyamuwanga achibhirikiriiye.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Bakolosai 4:17

Mubhwire Arikipo ati, akuumisye kisi emirimu jinu Raatabhugenyi amuyaaye.

1 Timoteo 1:12

Enisiima Kirisito Yeesu Raatabhugenyi weeswe unu ꞉aanaaye amanaga okukora emirimu jaaye. Enimusiima kwa okubha andorere ati niiyire okubha omukosi waaye,

2 Timoteo 4:11

Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

Baeburania 6:1

Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.