Baefeso 3:8 - Indagano Inyaaya mu-Chijita

⁸ Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

INDAGANO INYA:YA

⁸ Nanye omuto:to kukira abato:to ba mu be:ru bo:ne, nayabirwe ecigongo cinu ati, nisimure mu ba:maanga obuni:bi bwa Kristo bunu butana bute:ro.

Baefeso 3:8 Iomraidhean Croise

Ruuka 14:22

“Omugaya oyo ejire aasubha, ˆnaabhwira omwami oyo ati, ‘Mwami waani, omusango gunu waandagirira okukora, naagukuumisya. Noorwo kutyo, guchaari‑wo omwanya gwa abhandi okwingira.’

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Barumi 11:33

Yee! Niga unu kaatura okusombookerwa kutyo bhuri bhuniibhi, obhwengeeso na okumenya kwa Nyamuwanga? Ebhikira obhusombookerwa bhweswe! Atari‑wo omuunu unu kaatura okusombookerwa kutyo kaaramura, amwi unu kaatura okweresya jinjira jaaye.

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 15:9

Anye niri mutooto okukira jitumwa joone, niteeyire noorwo okubhirikirwa itumwa, kwa okubha ꞉naanyaasiisye abheekirisya bha Nyamuwanga.

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Bagalatia 2:8

Nyamuwanga unu ayaaye Peetero obhuturo bhwa okubha itumwa yaaye ku‑Bhayawudi, niwe oyooyo ꞉aanaaye obhuturo bhwa okubha itumwa yaaye ku‑bhanu bhatari Bhayawudi.

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Baefeso 3:16

Enimusabhwa ati, okuruubhana na rikusyo ryaye eryafu abhayaane amanaga ku‑njira ya Mwoyo waaye, murumatanega ndindindi mu‑myoyo jeemwe,

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Baefeso 3:2

Mwamarire okuungwa ati, Nyamuwanga anaaye obhukosi bhwa okuraasya obhwitiriranya bhwaye kw‑imwe.

Bafilipi 2:3

Musige okukora omusango gwonegwone kwa orwiso noorwo kwa orwikuuya. Tari mwikeeyega na murorega abhaanu abhandi okubha bha ngʼoryo muno okukira emwe abheene.

Bafilipi 4:19

Mbe, Nyamuwanga waani, aribhayaana ebhiinu bhyone bhinu omukena okuruubhana na obhuniibhi bhwaye bhwafu. Arikora kutyo ku‑njira ya Kirisito Yeesu.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.