Baefeso 3:2 - Indagano Inyaaya mu-Chijita

² Mwamarire okuungwa ati, Nyamuwanga anaaye obhukosi bhwa okuraasya obhwitiriranya bhwaye kw‑imwe.

INDAGANO INYA:YA

² Araba mwonguywe ebyo bugabi bwe cigongo ca Nyamuanga cinu nayabirwe kurwemwe,

Baefeso 3:2 Iomraidhean Croise

Ebikorwa 13:2

Bhunu bhaariga nibharamya Raatabhugenyi na okwiyima okurya ebhiryo, Mwoyo Mweru ˆnaabhabhwira ati, “Munsorere Bharinaabha na Saawuri ku‑mirimu jinu nibhabhirikiriiye.”

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 11:13

Woori, enaayika na emwe bhanu mutari Bhayisirayeeri. Chimari Nyamuwanga ꞉aantumire nibhe itumwa inguru ya abhaanu bhanu bhatari Bhayisirayeeri. Enikusya emirimu jinu niyaaywe,

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

Bagalatia 1:13

Ni chimari ati mwonguuwe kutyo jitungwa jaani jaariga jiri mwanya gunu naariga nindwanirira idiini yaani ya Echiyawudi. Mumenyere wone kutyo ꞉naanyaasiisye muno rikanisa rya Nyamuwanga, keenu ninkenaga okurisingaarisya chimwi.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Baefeso 3:9

Nyamuwanga ꞉aanaaye obhuturo bhwa okusomboorera abhaanu bhoone emisango ejo, korereki bhamenye kutyo Nyamuwanga arikuumisya obhutinge bhwa imbisike yaaye. Obhutinge obhwo, bhwariga bhubhisirwe okusookerera kara ku‑Nyamuwanga unu ꞉aabhumbire ebhiinu bhyone.

Baefeso 4:21

Enimenya chimari ati, ꞉mwoonguuwe ameeyigisyo inguru yaaye na okwiyigisibhwa kisikisi, kutyo echimari chiri mu‑Kirisito.

Baefeso 4:7

Nawe bhuri wumwi weeswe, ayaaywe obhwitiriranya okwingana na indengo ya echiyaanwa cha Kirisito kutyo chiri.

Bakolosai 1:4

Echikora kutyo, kwa okubha echuungwa emisango inguru ya eriikirisya ryemwe mu‑Kirisito Yeesu na inguru ya eryenda ryemwe ku‑bheeru bhoone bha Nyamuwanga.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

1 Timoteo 1:11

Ameeyigisyo ago agabhonekana mu‑Misango ja Ekisi, jinu ejeeresya rikusyo rya Nyamuwanga wa amabhando goone. Emisango ejo nijo ꞉naayaaywe na Nyamuwanga nijiraasye.

1 Timoteo 1:4

Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.