Baefeso 3:10 - Indagano Inyaaya mu-Chijita

¹⁰ Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

INDAGANO INYA:YA

¹⁰ Korereki woryanu obwenge bwa Nyamuanga obwa jinyami jinyafu bumenyeke kubwa ikanisa ku bakuru na ku batungi banu bari mu rwire,

Baefeso 3:10 Iomraidhean Croise

Barumi 11:33

Yee! Niga unu kaatura okusombookerwa kutyo bhuri bhuniibhi, obhwengeeso na okumenya kwa Nyamuwanga? Ebhikira obhusombookerwa bhweswe! Atari‑wo omuunu unu kaatura okusombookerwa kutyo kaaramura, amwi unu kaatura okweresya jinjira jaaye.

Barumi 8:38

Enimenya chimari ati chitari‑wo echiinu chinu echitura okuchitaaganya na eryenda rya Nyamuwanga. Nyamuwanga arigenderera okucheenda, chibhe chiri bhaanga amwi chifuuwe. Noorwo bhamaraayika, amwi abhatungi, amwi ebhibhumbwa bhya amanaga bhitakutura okuchitaaganya na eryenda ryaye. Noorwo emisango jinu ejikorekana ku‑mwanya gunu amwi ku‑mwanya gwa imbere, amwi choonechoone chinu chiri mu‑rwire amwi mu‑nyombe, amwi choonechoone ku‑chaaro anu, chitari‑wo echiinu chinu echitura okuchitaaganya na eryenda rya Nyamuwanga. Eryenda eryo arisweruuye kw‑iswe okutura ku‑Kirisito Yeesu, Raatabhugenyi weeswe.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

1 Bakorinto 2:7

Obhwengeeso bhunu echiraasya ni mbisike ya Nyamuwanga, inu yaariga ichaari okuswerurwa ku‑bhaanu. Omwanya gunu Nyamuwanga aariga achaari okubhumba echaaro, ꞉aaramuuye okukorera emirimu obhwengeeso obhwo, inguru ya rikusyo ryeswe.

Baefeso 1:21

꞉Aamwinamusiisye inguru muno okukira obhutungi bhwone, obhuturo bhwone, amanaga goone, obhukuru bhwone na risiina ryoneryone rinu eritogorwa, itari mu‑chaaro chinu era, tari wone mu‑chaaro chinu chiriija.

Baefeso 1:23

Woori, rikanisa riri rwa omubhiri gwaye, riijuuye obhurame na amanaga gaaye. Omwene kaakuumisya joone ku‑bhuturo bhwaye.

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

Baefeso 1:8

꞉Aachisaagirisisiisye obhwitiriranya obhwo, mu‑bhwengeeso bhwone na mu‑kusombookerwa kwone.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Bakolosai 1:16

Okubha okutura ku‑mwene ebhiinu bhyone ꞉bhyabhumbirwe, bhinu bhiri mu‑rwire na bhinu bhiri ku‑chaaro, bhinu ebhibhonekana na bhinu bhitakubhonekana, bhikabha bhiri ebhya obhukama amwi ebhya obhukuru, obhutungi amwi ebhya obhuturo. Ebhyo bhyone ꞉bhyabhumbirwe okutura ku‑mwene na inguru yaaye.

Bakolosai 2:10

Kutyo, ku‑njira ya okubha na obhumwi na Kirisito, emwe muyaaywe obhuwanga bhwone. Omwene niwe omukuru inguru ya obhutungi na obhuturo bhwone mu‑chaaro chinyatarorwa.

Bakolosai 2:15

Ku‑njira ya omusarabha, Nyamuwanga ˆnaateesya obhutungi na abha obhuturo mu‑chaaro chinyatarorwa, ˆnaabhayiga kwa risandabha, ˆnaabhaswasya abhwerubhweru.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.