Baefeso 2:8 - Indagano Inyaaya mu-Chijita

⁸ Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

INDAGANO INYA:YA

⁸ Okuba mwaonyibwe kurwe cigongo kurwo kwikirisya, amwi bitaso:kere kwimwe, nawe ni ciyanwa ca Nyamuanga.

Baefeso 2:8 Iomraidhean Croise

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Matayo 20:9

“Niwo abhakosi bhanu ꞉bhaambire emirimu keegoro, nibhaaja nibhayaanwa omuyeero gwa orusuku rumwi.

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Ruuka 7:50

Awo, Yeesu ˆnaabhwira omugasi oyo ati, “Waachungurwa kwa okubha weekirisya! Nuugende na omurembe.”

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Yowana 6:35

Yeesu ˆnaabhasubhya ati, “Anye naanye ebhiryo bhinu ebhiyaana abhaanu obhuwanga bhwa akajaanende koone. Omuunu woonewoone unu kaaja kw‑anye na okunyikirisya, atarirumwa omweko rindi, noorwo okuungwa rindi obhwiro bhwa amanji.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Yowana 6:44

Atari‑wo omuunu unu kaatura okuuja kw‑anye, araabha atatangasiibhwe na Raata unu ꞉aantumire. Anye nirisuurura omuunu oyo ku‑rusuku rwa obhuteero.

Yowana 6:65

Mbe, ˆnaagenderera okubhabhwira ati, “Eyo niyo isonga inu yaakora nimbabhwira ati, atari‑wo omuunu unu kaatura okuuja kw‑anye, araabha atatangasiibhwe na Raata.”

Ebikorwa 13:39

Okutura ku‑mwene era, bhuri muunu unu kaamwikirisya, kaabharirwa ati ni murengeresi imbere ya Nyamuwanga, omusango gunu gutakuturikana kw‑imwe kwa okuruubha ebhiraagiro bhya Muusa.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Ebikorwa 15:11

Eswe echiikirisya ati ni bhwitiriranya bhwa Raatabhugenyi weeswe Yeesu Kirisito era nibhwo obhuchichungura na obhwitiriranya obhwoobhwo obhubhachungura abheene wone.”

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 16:31

Nibhamusubhya ati, “Ikirisya Raatabhugenyi Yeesu, niwo owuja okuchunguka. Abhaanu bhoone bha iika ewaawo wone, bheekirisye Yeesu, niwo abhaja okuchunguka.”

Barumi 10:14

Woori, abhaanu abhatura kutiki okumusabhwa araabha bhachaariga okumwikirisya? Ka wone, abhatura okumwikirisya kutiki araabha bhachaariga okuungwa emisango jaaye? Abhatura kutiki okuungwa emisango jaaye araabha omuunu achaariga okubharaasisya?

Barumi 10:17

Kurwa ejo, abhaanu abhatura okwikirisya Kirisito araabha bhaakoongwa emisango inguru yaaye. Nawe abhatura okuungwa era emisango ejo araabha jikaraasibhwa.

Barumi 4:16

Echo nicho echireterera omurago gwa Nyamuwanga gwiyikanye eriikirisya era, kwa okubha ogusookana na obhwitiriranya bhwaye. Ku‑njira eyo, joone jinu ꞉bhaaragirwe abhaanu bhoone bha orwibhuro rwa Bhurayimu, jibhe ja echimari, jitari ku‑Bhayawudi era bhanu bhari na ebhiraagiro, tari noorwo ku‑bhanu abheekirisya Nyamuwanga rwa kutyo Bhurayimu ꞉aakorere. Bhurayimu niwe raata weeswe bhoone bhanu echiikirisya Nyamuwanga.

Barumi 4:5

Nawe omuunu unu atakwiyikanya ebhikorwa bhyaye, aakeekirisya Nyamuwanga unu kaabhara omuunu omujabhi okubha omuunu omurengeresi, oyo niwe Nyamuwanga kaabhara okubha omuunu omurengeresi okuruubhana na eriikirisya ryaye.

Barumi 9:16

Kurwa ejo, Nyamuwanga eenyere niwe kaaramura okufwira echigongo omuunu woonewoone, kutari kusookana na okwikomeesya amwi okwenda kwa omuunu oyo.

Bagalatia 3:14

꞉Aachichunguuye, korereki amabhando ganu ꞉aayaaywe Bhurayimu, gakinge ku‑bhanu bhatari Bhayawudi okutura ku‑Kirisito Yeesu. Mbe woori, eswe bhoone, echitura okuramira Mwoyo Mweru unu Nyamuwanga ꞉aaragire okuchiyaana, ku‑njira ya okwikirisya Kirisito Yeesu.

Bagalatia 3:22

Nawe jitari kutyo. Ebhikaame Ebhyeru ebhyayika ati abhaanu bhoone bhari mw‑ibhoyero rya obhutungi bhwa ebhibhiibhi. Kurwa ejo, Nyamuwanga ꞉aaragire okusoosya echiinu chinu ꞉aaragire ku‑bhoone bhanu abheekirisya Yeesu Kirisito.

Baefeso 1:19

Mumenye wone, kutyo bhuri bhuturo bhwaye obhukuru bhunu obhukora emirimu inguru yeeswe, eswe bhanu echiikirisya. Obhuturo obhwo, bhutakwinganyirisibhwa na echiinu choonechoone, ka wone, obhukora emirimu ku‑managa maafu muno.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 2:5

꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

2 Batesalonika 1:9

Indamu yeebhwe iribha okusingaarisibhwa akajaanende koone, bharitaganyibhwa na Raatabhugenyi chimwi, ka wone bharisoosibhwa mw‑ikusyo rya amanaga gaaye.

Baeburania 6:4

Mbe, bhari‑wo abhaanu bhanu ꞉bhaayaaywe obhweru bhwa Emisango ja Ekisi, nibhabhona echiyaanwa cha mu‑rwire, ka wone nibhakorwa okubha na obhumwi na Mwoyo Mweru.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.