Baefeso 2:5 - Indagano Inyaaya mu-Chijita

⁵ ꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

INDAGANO INYA:YA

⁵ Eswe anu cariga cifu:ye kurwe bikayo byeswe, acikorere baanga aamwi na Kristo. Mwaonyibwe kurwe cigongo.

Baefeso 2:5 Iomraidhean Croise

Ruuka 15:24

kwa okubha omwana waani unu, aariga afuuwe, woori anu aasuuruka. Aariga abhurire, woori anu aabhonekana rindi!’ Mbe, bhoone nibhaamba okusandabha.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Ebikorwa 15:11

Eswe echiikirisya ati ni bhwitiriranya bhwa Raatabhugenyi weeswe Yeesu Kirisito era nibhwo obhuchichungura na obhwitiriranya obhwoobhwo obhubhachungura abheene wone.”

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 4:16

Echo nicho echireterera omurago gwa Nyamuwanga gwiyikanye eriikirisya era, kwa okubha ogusookana na obhwitiriranya bhwaye. Ku‑njira eyo, joone jinu ꞉bhaaragirwe abhaanu bhoone bha orwibhuro rwa Bhurayimu, jibhe ja echimari, jitari ku‑Bhayawudi era bhanu bhari na ebhiraagiro, tari noorwo ku‑bhanu abheekirisya Nyamuwanga rwa kutyo Bhurayimu ꞉aakorere. Bhurayimu niwe raata weeswe bhoone bhanu echiikirisya Nyamuwanga.

Barumi 5:10

Omwanya gunu chaariga chichaari abhasoko bhaaye, ꞉chaagwatanyiibhwe na Nyamuwanga okutura ku‑rufu rwa Omwana waaye. Woori, kwa okubha chigwatanyiibhwe okutura ku‑rufu rwaye, chimari chirichungurwa okutura obhuwanga bhwaye.

Barumi 5:6

Mbe, omwanya gunu eswe chaariga chitari na amanaga, Kirisito ꞉eejire ˆnaachifwira eswe abhajabhi, ku‑mwanya gunu ꞉gwateeywe‑wo.

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Baefeso 2:8

Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

Obhusweruro 22:21

Obhwitiriranya bhwa Raatabhugenyi Yeesu bhubhe aamwi na emwe bhoone. Jibhe kutyo.