Baefeso 2:3 - Indagano Inyaaya mu-Chijita

³ Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

INDAGANO INYA:YA

³ Neswe bo:ne kara caribatiraga aamwi nabo mu kurigira kwe mibiri jeswe, nicikumisya okwenda kwo mubiri no kwa me:ganirisyo geswe, nicibaga aba:na ba risungu mu busimuka rwa bandi.

Baefeso 2:3 Iomraidhean Croise

Mariko 4:19

nawe, abhajigwa muno na obhwiganirisya bhwa obhurame bhwa ku‑chaaro anu na okubhona ribhona ryafu na okurigira ebhiinu ebhindi. Ejo ejiyiganya omusango gwa Nyamuwanga, nigutaamibhwa okutwasya amatwasyo mu‑bhurame bhwebhwe.

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Ebikorwa 14:16

Kara Nyamuwanga ꞉aasigire amaanga goone, bheekare kutyo bheendaga.

Barumi 1:24

Ku‑songa eyo, Nyamuwanga abhasindikire bhabhega nibharuubha okurigira kwebhwe okubhiibhi, nibhakoranira emisango emijabhi ja jiswaro ku‑mibhiri jeebhwe.

Barumi 11:30

Omwanya gunu guturire, emwe mwariga mutakugayuka Nyamuwanga, tari woori mwafwiriiywe echigongo na Nyamuwanga, kwa okubha Abhayisirayeeri ꞉bhataamugayukire.

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

Barumi 2:14

Abhaanu bhanu bhatari Bhayawudi, abho bhatakumenya ebhiraagiro ebhyo. Noorwo kutyo, bhaakakora ja ekisi okuruubhana na obhwiganirisya bhwebhwe, na emisango ejo ejibha rwa kutyo ebhiraagiro bhya Muusa ebhyeresya, ejo ejeeresya ati abhamenya okukora jinu jiiyire.

Barumi 5:10

Omwanya gunu chaariga chichaari abhasoko bhaaye, ꞉chaagwatanyiibhwe na Nyamuwanga okutura ku‑rufu rwa Omwana waaye. Woori, kwa okubha chigwatanyiibhwe okutura ku‑rufu rwaye, chimari chirichungurwa okutura obhuwanga bhwaye.

Barumi 5:9

Woori, kwa okubha chibharirwe okubha abharengeresi imbere ya Nyamuwanga ku‑njira ya isagama ya Yeesu Kirisito, chimari chirichungurwa nage okusooka mu‑kuyaanwa ebhitiibha na Nyamuwanga.

Barumi 6:12

Kurwa ejo, mwasiga okwikirisya echibhiibhi chitunge emibhiri jeemwe jinu ejifwa. Mwasiga okwikirisya okukururwa na okurigira okubhiibhi kwa emibhiri jeemwe.

Barumi 7:18

Nimenyere ati, mu‑mwoyo gwani, ku‑bhusimukwa bhwani bhwa echibhiibhi, chitari‑mo echiinu choonechoone cha ekisi. Eneenda okukora gwa ekisi, nawe nitari na obhuturo bhwa okugukora.

Barumi 9:22

Nikwo kutyo jiri ku‑Nyamuwanga. ꞉Eendere okweresya abhaanu risungu ryaye na okweresya amanaga gaaye, nawe ꞉aabheegumiirisiisye muno bhanu bheeyire okusingaarisibhwa.

1 Bakorinto 4:7

Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Bagalatia 3:22

Nawe jitari kutyo. Ebhikaame Ebhyeru ebhyayika ati abhaanu bhoone bhari mw‑ibhoyero rya obhutungi bhwa ebhibhiibhi. Kurwa ejo, Nyamuwanga ꞉aaragire okusoosya echiinu chinu ꞉aaragire ku‑bhoone bhanu abheekirisya Yeesu Kirisito.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Bakolosai 1:21

Emwe wone ku‑mwanya gunu guturire mwariga muri kura na Nyamuwanga. Mwariga muri bhasoko bhaaye mu‑bhwiganirisya bhwemwe obhubhiibhi bhunu obhuretereraga jitungwa jeemwe jimbiibhi. Nawe woori, abhagwatanyiisye aamwi nage

1 Batesalonika 4:13

Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

1 Batesalonika 5:6

Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

1 Timoteo 6:9

Nawe abhaanu bhanu bhari na obhurigire bhwa obhuniibhi, abhagwa mu‑maregeejo, nibhakomwa mu‑tuura na mu‑namba nyafu ja obhutaamutaamu. Obhurigire obhwo obhubhanyamura okukingira bhasingaarisibhwe.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

2 Petero 2:14

Ameeso geebhwe geejuuywe obhuromesi na okurigira kwebhwe kwa okukora ebhibhiibhi kutari na obhuteero. Abhakongya abhaanu bhanu bhatarumateene mu‑riikirisya bhakore rwa abheene. Bhanasiisye emyoyo jeebhwe okurigira obhuniibhi. Abhaanu abho bheeyiimirwe!

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.

1 Yoana 2:16

Okubha ebhibhiibhi, nijo jitungwa jinu, okurigira okubhiibhi kwa omubhiri, okurigira okubhiibhi kwa ameeso na okwikuuya kunu okuruubhana na ribhona rinene. Jitungwa jinu jitakusooka ku‑Raata Nyamuwanga, tari ejisooka mu‑chaaro munu.

1 Yoana 2:8

Noorwo kutyo, echiraagiro chinu enibhakaamira ni chiyaaya. Echimari cha echiraagiro echo, ꞉chaabhonekeene mu‑tungwa ja Yeesu Kirisito na mu‑tungwa jeemwe, kwa okubha, echisuute echisooka‑mo na obhweru bhwa echimari bhwangʼarabhiisye.