Baefeso 2:2 - Indagano Inyaaya mu-Chijita

² Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

INDAGANO INYA:YA

² Binu mwaribatiragamo kara rwa magoro ge ca:ro rinu kutyo gari, nimuru:baga ebyo mukuru wo buinga bwa mu rutumba, nigwo omwoyo gunu ogukora woryanu mu ba:na bo butongwa.

Baefeso 2:2 Iomraidhean Croise

Matayo 11:19

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’ Nawe noorwo kutyo, obhwengeeso bhwa Nyamuwanga obhubhuurisibhwa ati, ni bhwa echimari ku‑njira ya ebhikorwa bhya abhaana bhaaye.”

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Mariko 4:19

nawe, abhajigwa muno na obhwiganirisya bhwa obhurame bhwa ku‑chaaro anu na okubhona ribhona ryafu na okurigira ebhiinu ebhindi. Ejo ejiyiganya omusango gwa Nyamuwanga, nigutaamibhwa okutwasya amatwasyo mu‑bhurame bhwebhwe.

Ruuka 16:8

“Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.

Ruuka 22:31

Yeesu ˆnaayika ati, “Simooni awe, Simooni awe, tegeresya! Nuumenye kisi ati, Syetaani eekirisiibhwe okubharegeeja emwe bhoone. Aribhakora rwa kutyo omuunu kaawungura obhuro.

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Yowana 13:2

Yeesu na abheeyigisibhwa bhaaye bhaariga nibharya ebhiryo bhya keegoro. Omwanya ogwo, Syetaani aariga aamarire okukongya Yuuda, omwana wa Simooni Isikariyooti, korereki aromere Yeesu iniku.

Yowana 13:27

Yuuda ejire aaramira akabhaara ka omukaate ako, awoawo Syetaani ˆnaamwingira. Mbe, Yeesu ˆnaamubhwira ati, “Gunu oweenda okukora, nuugukore bhwangu!”

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Yowana 16:11

Aribhaga ˆnaabheeresya ati Nyamuwanga aribharamura, kwa okubha aaramuuye Syetaani omukuru wa echaaro chinu.

Yowana 7:7

Abhaanu bha ku‑chaaro kunu, bhatari na injuno ya okukora bhabhasoke. Nawe abhansoka anye, kwa okubha enibhabhwira ati, ebhikorwa bhyebhwe ni bhibhiibhi.

Yowana 8:23

Yeesu ˆnaagenderera okubhabhwira ati, “Emwe muri bhaanu bhanu bhasookere emwaro ku‑chaaro anu, nawe anye nisookere inguru mu‑rwire. Emwe muri bha ku‑chaaro kunu, nawe anye nitari wa ku‑chaaro kunu.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Ebikorwa 19:35

Ku‑bhuteero, omukaami omukuru wa omusi ogwo, ˆnaajibhisya abhaanu abho, ˆnaabhabhwira ati, “Emwe Abhayefeeso, ni wuuya mu‑bhyaro ebhindi bhyone, unu atakumenya ati, gunu nigwo omusi gunu ogwangarira riyekaru rya risambwa rikuru Ariteemi, aamwi na risusano ryagwo rinu riikire okusooka mu‑rwire?

Ebikorwa 5:3

Peetero ˆnaamubhuusya ati, “Awe Ananiiya! Ni kurwa ki Syetaani eengira mu‑mutima gwawo? Waabhwira Mwoyo Mweru orubheeyi na okubhisa‑ko ejindi jinu ꞉waabhwene ku‑bhugusi bhwa risambu ryawo.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

1 Bakorinto 5:10

Obhugajuro bhwani bhwariga bhutari ati, mwasiga okusangira aamwi na abhaanu bhanu bhatari bheekirisya bhanu bhari bharomesi, abha omuruuru, abhasaakusi, noorwo bhanu abharamya amasusano. Naakaayikire kutyo, jikabheeyire okusooka ku‑chaaro kunu.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Baefeso 1:21

꞉Aamwinamusiisye inguru muno okukira obhutungi bhwone, obhuturo bhwone, amanaga goone, obhukuru bhwone na risiina ryoneryone rinu eritogorwa, itari mu‑chaaro chinu era, tari wone mu‑chaaro chinu chiriija.

Baefeso 2:11

Kurwa ejo, mwichuke ati, omwanya gunu guturire, emwe mwariga muri bhaanu bhanu bhatari Bhayawudi ku‑bhwibhurwa. Abhayawudi abhabhatoga ati “bhanyatatendwa,” kwa okubha abheene abheetoga ati “abhatendwa.” Okutendwa okwo okukorwa na abhaanu ku‑mubhiri.

Baefeso 2:13

Nawe woori, mu‑kubha na obhumwi na Kirisito Yeesu, emwe bhanu mwariga muri kura, mwafogeeye ayeeyi ku‑njira ya Kirisito okwita isagama yaaye ku‑musarabha.

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Bakolosai 1:21

Emwe wone ku‑mwanya gunu guturire mwariga muri kura na Nyamuwanga. Mwariga muri bhasoko bhaaye mu‑bhwiganirisya bhwemwe obhubhiibhi bhunu obhuretereraga jitungwa jeemwe jimbiibhi. Nawe woori, abhagwatanyiisye aamwi nage

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

Yakobo 1:7

Omuunu rwa oyo, ari na emitima ebhiri, keetimaata mu‑njira jaaye joone. Omuunu wa itungwa eyo, asige okwiyikanya ati aribhona echiinu choonechoone okusooka ku‑Raatabhugenyi.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

1 Petero 4:3

Kara awo, mwariga nimukora rwa kutyo abhaanu bhanu bhatakwikirisya Nyamuwanga bhaakoraga. Mwaruubhaga obhurigire bhwemwe obhubhiibhi na orukubho. Ka wone mwariga muri bhakorwa na okwenda muno jichikukuru ja ku‑chaaro, na mwariga nimuramya amasusano. Omwanya gwemwe gwa okukora emisango ejo gweyire.

2 Petero 2:14

Ameeso geebhwe geejuuywe obhuromesi na okurigira kwebhwe kwa okukora ebhibhiibhi kutari na obhuteero. Abhakongya abhaanu bhanu bhatarumateene mu‑riikirisya bhakore rwa abheene. Bhanasiisye emyoyo jeebhwe okurigira obhuniibhi. Abhaanu abho bheeyiimirwe!

1 Yoana 3:10

Nawe, omuunu woonewoone unu atakukora eja rirenga atari mwana wa Nyamuwanga, nyabhuriko omuunu unu atakwenda oweejaabho atari mwana wa Nyamuwanga. Obhwo nibhwo obhutaasyanya bhunu bhuri agati ya abhaana bha Nyamuwanga na abhaanu bha Syetaani.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

1 Yoana 4:4

Mbe, emwe abhaana bhaani mu‑riikirisya, mwabheeye abhaana bha Nyamuwanga, ka wone muyigire abharagi abhabheeyi abho. Mubhayigire kwa okubha, Mwoyo wa Nyamuwanga unu ari mu‑myoyo jeemwe, ari na obhuturo okukira mwoyo wa Syetaani unu kaatangasya abhaanu bhanu bhatakugayuka Nyamuwanga.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

1 Yoana 5:4

kwa okubha bhuri mwana wa Nyamuwanga ari na obhuturo bhwa okuyiga ebhibhiibhi. Mbe, echiyiga ebhibhiibhi kwa okwikirisya Yeesu.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 16:17

Niwo, maraayika wa kataanu na kabhiri ˆnaasuka ku‑rutumba risungu rya Nyamuwanga rinu ryariga riri mw‑ibhakuri ryaye. Ninuungwa obhuraka obhunene nibhusooka ku‑chitebhe cha ingʼoma mw‑Iyekaru rya Nyamuwanga, nibhwayika ati, “Joone jaakorekeene!”

Obhusweruro 20:2

ˆNaagwata riyoka rirya, injoka irya ya kara inu eyitogwa ati Mubheeyeresya amwi Syetaani, ˆnaaribhoya kwa riseega eryo na okuryesa mu‑ryobho rinu ritari na obhuteero. ˆNeegara orwigi rwa eryobho eryo na okurutuura‑ko orunabho. Omubheeyeresya oyo, ni bhusibhusi ariikara mu‑ryobho eryo emiguuga chiwumbi chimwi. Ku‑mwanya ogwo ataribha na obhuturo bhwa okujiga abhaanu ku‑chaaro anu. Aribha emiguuga chiwumbi chimwi jaawa, ariigurirwa kwa omwanya mufuyi era.