Baefeso 2:14 - Indagano Inyaaya mu-Chijita

¹⁴ Okubha Kirisito niwe omurembe gweswe, niwe ꞉aakorere Abhayawudi na bhanu bhatari Bhayawudi okubha bhamwi. Ku‑njira ya orufu rwaye, ꞉aasoosiisye‑wo obhusoko bhunu bhwariga bhuri rwa orusiika rwa agati runu rwariga ruchitaaganyiisye.

INDAGANO INYA:YA

¹⁴ Okuba Omwene niwe omurembe gweswe, unu akorere bibiri byone kuba cimwi, nafumyao indugu ya aagati inu yariga ica:uye.

Baefeso 2:14 Iomraidhean Croise

Ruuka 1:79

ka wone bhumurikire abhaanu bhoone bhanu bheekaaye mu‑chisuute, na mw‑irengesi rya orufu. Arichitangasya okutura ku‑njira ya omurembe.”

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Yowana 10:16

Anye niri na jinaama ejindi jinu jitari ja mw‑igutu rinu, ejo wone neenderwe nijireebhe. Jinaama ejo wone, jirimenya obhuraka bhwani. Kurwa ejo, jiribha eyijo rimwi, na omureefi umwi.

Yowana 11:52

Ka wone, Yeesu atarifwa inguru ya riyanga eryo era, tari ni ku‑songa ya okukumanya abhaana bha Nyamuwanga bhanu bhanyarageene, korereki bhabhe aamwi.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 10:28

Peetero ˆnaabhabhwira ati, “Emwe mumenyere kisi ati eswe Abhayawudi, ebhiraagiro bhyeswe ebhichigaanya okusaasikana na abhaanu bha amaanga. Noorwo okubharibhatira wone, chigaanyiibhwe. Nawe Nyamuwanga aanyeresya ati, nisige okwiganirisya omuunu woonewoone okubha omujabhi.

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Baefeso 2:17

Kirisito ˆnaaja, ˆnaaraasya Emisango ja Ekisi inguru ya omurembe ku‑bhaanu bhoone, kw‑imwe bhanu mwariga muri kura na Nyamuwanga na ku‑Bhayisirayeeri, bhanu bhaariga bhari yeeyi nage.

Baefeso 3:15

Omwene oyo, niwe obhusimukwa bhwa abhaanu bhaaye bhoone bhanu bhari mu‑rwire na ku‑chaaro anu.

Baefeso 4:16

Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

Bakolosai 1:20

Ka wone, ꞉jaamukondeeye ati, agwatanye ebhiinu bhyone ku‑mwene, ku‑njira ya Omwana waaye, ebhiinu bhinu bhiri ku‑chaaro kunu na bhinu bhiri mu‑rwire. ꞉Aakorere kutyo kwa okureeta omurembe okutura ku‑sagama ya Omwana waaye inu ꞉yeetikire ku‑musarabha.

Bakolosai 2:20

Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Bakolosai 3:15

Omurembe gwa Kirisito gutunge mu‑myoyo jeemwe. Emwe mubheeye omubhiri gumwi, kurwa ejo mubhirikiiywe okurama kwa omurembe. Ka wone, nimusiimaga Nyamuwanga.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 7:2

Omwene Bhurayimu ˆnaasoosya ribhaara rimwi kw‑ikumi rya ebhiinu bhinu ꞉aateesiisye mw‑iremo eyo na okuyaana Meerikijedeki. Risiina rinu Meerikijedeki, obhugajuro bhwaryo ni ati, “omukama wa obhurengeresi,” ka wone kaatogwa “omukama wa Sareemu,” obhugajuro bhwaryo ni ati, “omukama wa omurembe.”