Baefeso 2:12 - Indagano Inyaaya mu-Chijita

¹² Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

INDAGANO INYA:YA

¹² Mbe mu siku ijo mwariga muri kura na Kristo mwariga ba:maanga ku ruganda rwa Baisraeli, ka mwariga muri bagenyi ku buragane bwo murago, mwariga mutana kwiikanya, mutana Nyamuanga mu:si.

Baefeso 2:12 Iomraidhean Croise

Ruuka 1:72

꞉Aayikire ati, aribhafwira echigongo bhasaaja weeswe, na okwichuka indagano yaaye iinyeru.

Yowana 10:16

Anye niri na jinaama ejindi jinu jitari ja mw‑igutu rinu, ejo wone neenderwe nijireebhe. Jinaama ejo wone, jirimenya obhuraka bhwani. Kurwa ejo, jiribha eyijo rimwi, na omureefi umwi.

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

Yowana 4:22

Emwe Abhasamaariya omuramya Nyamuwanga unu mutakumenya. Nawe eswe Abhayawudi echiramya Nyamuwanga unu chimenyere, kwa okubha Nyamuwanga arichungura abhaanu okutura ku‑Bhayawudi.

Ebikorwa 2:39

Omurago gunu Nyamuwanga ꞉aachiragire inguru yeemwe, na abhaana bheemwe, noorwo ku‑bhandi bhoone bhanu bhari kura, bhoone bhanu Raatabhugenyi Nyamuwanga weeswe kaja okubhirikira bhabhe abhaanu bhaaye.”

Ebikorwa 28:20

Ejo nijo jaakora nibhabhirikire korereki chijaayike aamwi. Anye anu nibhoyerwe amaseega, inguru ya Kirisito unu ari bhwiyikanyo bhwa Abhayisirayeeri bhoone.”

Ebikorwa 3:25

Emwe muri bhaana bha abharagi, omuyaanwa indagano inu Nyamuwanga ꞉aakorere na bhasaaja waanyu. Nyamuwanga ꞉aaragire Bhurayimu ati, ‘Okutura ku‑muunu wa mu‑rwibhuro rwawo, abhaanu bha mu‑bhyaro bhyone bhariyaanwa ribhando.’

Barumi 9:8

Obhugajuro bhwa emisango ejo ni ati, abhaana bha Nyamuwanga bhatari bhaana bhoone bha Bhurayimu bhanu ꞉bheebhuuywe echinyamubhiri, tari ni rwibhuro rwaye runu ꞉rwebhuuywe okuruubhana na omurago gwa Nyamuwanga.

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

Baefeso 2:19

Mbe woori emwe, mutari abhagenyi na abhayitingʼani rindi ku‑Bhayisirayeeri, tari muri bheenengo aamwi na abheeru bha Nyamuwanga, wone muri bhaanu bha mu‑nju ya Nyamuwanga.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

Bakolosai 1:21

Emwe wone ku‑mwanya gunu guturire mwariga muri kura na Nyamuwanga. Mwariga muri bhasoko bhaaye mu‑bhwiganirisya bhwemwe obhubhiibhi bhunu obhuretereraga jitungwa jeemwe jimbiibhi. Nawe woori, abhagwatanyiisye aamwi nage

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

1 Batesalonika 4:13

Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

1 Batesalonika 4:5

Musige okukururwa na okurigira okubhiibhi rwa abhanyamanga, kwa okubha abheene bhatakumenya Nyamuwanga.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

Baeburania 11:34

꞉Bhaasimiisye emiriro emiruru kabhukabhu. ꞉Bhaawonere okwitwa kwa imbanda. Bhaariga bhari bhajorobhoke, nawe Nyamuwanga ꞉aabhayaaye amanaga ga okuyiga riremo na okubhirimya abhasirikare bha ebhyaro ebhindi.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

Baeburania 8:6

Nawe Nyamuwanga ayaaye Yeesu omurimu gwa obhugabhisi gunu guri gwa kisi muno okukira gurya gwa abhagabhisi bha okwamba bharya. Yeesu niwe kaagwatanya abhaanu na Nyamuwanga mu‑ndagano inu iri ya ekisi okukira ya okwamba irya. Ka wone indagano eyo, iri rwa echiinu chinu chuumbakirwe ku‑rufuka rwa ekisi, nikwo okwayika ati inguru ya omurago gwa kisi muno okukira omurago gwa indagano ya kara irya.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

1 Petero 3:15

Ka wone, siku joone, mubhe mwimaririiye okusubhya omuunu woonewoone unu aribhabhuusya chinu omwiyikanya. Nawe mukore kutyo, mu‑bhworooro na echibharo.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.