Baefeso 2:10 - Indagano Inyaaya mu-Chijita

¹⁰ Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

INDAGANO INYA:YA

¹⁰ Okuba eswe ciri mirimu jae banu camogeywe mu Kristo Yesu korereki cikore ebikorwa byo bwana, binu Nyamuanga aci:ra:biye kara korereki ciribatiregamo.

Baefeso 2:10 Iomraidhean Croise

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Yowana 3:21

Nawe abhaanu bhoone bhanu abhakora ebhikorwa bhya obhurengeresi, abhaaja mu‑bhweru obhwo, korereki imenyekane ati, Nyamuwanga niwe kaabhayaana obhuturo bhwa okubhikora.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

2 Bakorinto 5:5

Nyamuwanga niwe achichumachumire inguru ya emisango ejo, na achiyaaye Mwoyo waaye, korereki abhe echigwatirisyo cha joone jinu Nyamuwanga arichiyaana.

2 Bakorinto 9:8

Nyamuwanga kaatura okubhayaana amabhando okukira bhinu omukena, korereki omwanya gwone, mubhe na ebhiinu bhyone bhinu omukena, ka wone mubhe abhaanu bha okukora emyafu ja ekisi ja okusakira abhandi.

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 2:13

Nawe woori, mu‑kubha na obhumwi na Kirisito Yeesu, emwe bhanu mwariga muri kura, mwafogeeye ayeeyi ku‑njira ya Kirisito okwita isagama yaaye ku‑musarabha.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Baefeso 2:6

Mu‑kubha na obhumwi na Kirisito Yeesu, Nyamuwanga ꞉aachisuuruuye aamwi na Kirisito Yeesu, ˆnaachinyanjya aamwi nage mu‑chaaro chinyatarorwa,

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Baefeso 4:24

Ka wone, mufware bhumuunu obhuyaaya, kwa okubha ꞉mwabhumbirwe okubha rwa Nyamuwanga, mu‑bhurengeresi na mu‑mutima omweru. Ejo ejisooka mu‑chimari.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

Bakolosai 3:10

na mufwaye bhumuunu obhuyaaya. Nyamuwanga omwene niwe ꞉aabhumbire bhumuunu obhuyaaya obhwo na kaagenderera okubhukora bhususane nage kata, korereki mumusombookerwe kisi.

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.

1 Timoteo 2:10

Tari, bhakore ebhikorwa bhya ekisi, bhinu bhiiyire ku‑bhagasi bhanu bheekirisiisye okuramya Nyamuwanga.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

1 Timoteo 5:25

Kutyokutyo, ebhikorwa bhya ekisi ebhibhonekana abhweru. Nyabhuriko bhinu bhiiserekere, bhirituurwa abhweru.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

2 Timoteo 3:17

Mbe, Ebhikaame ebhyo ebhikora abhaana bha Nyamuwanga bhabhe bheemariiriiye na bhabhe bhatengeejere okukora ebhikorwa bhya ekisi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 10:24

Ka wone cheenderwe chisimbiisyanye eswe abheene kwa abheene, korereki cheendane na okukoreraniraga eja ekisi.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

1 Yoana 2:6

Omuunu unu kaayika ati ari na obhumwi na Nyamuwanga, kaakenwa akore rwa kutyo Yeesu aariga ˆnaakora.